《卡比的馭天飛行者 》Global Test Ride 簡評

阿定

繼2003年係NGC上推出的《卡比的馭天飛行》，今年任天堂再為卡比推出《卡比的馭天飛行者 》。



對上兩個禮拜，如果大家錯過了《卡比的馭天飛行者 》的 Global Test Ride 試玩的話，就等我同大家介紹下啦！



Global Test Ride 期間主要有幾個玩法，最初會有一個 "駕訓班" 教你點樣操控架車，操作方法同一般賽車Game差不多，同瑪利歐賽車一樣會有甩尾的動作，但方法會有少少唔同。



最簡單的玩法就係，馭天飛行，以最快到終點為目的，期間可以攻擊對手，而攻擊對手的方法係非常 "星之卡比" 的，係一種可愛風的瑪利歐賽車式鬥快比賽。



之後就係較為複雜的玩法，城市競賽，係一個大亂鬥式的賽車遊戲。



玩家首先係一個大會指定的地點，同世界唔同角落的玩家一齊搶資源，大家可以揀唔同的角色去參賽，唔一定用卡比。



係限時內，透過遊走唔同區域，不停收集唔同的道具，換乘戰車，增強自己的實力同唔同屬性，準備正式對戰！



遊戲會隨機揀四個比賽模式比所有玩家投票決定玩邊個，根據之前收集完的道具同能力，系統會建議你揀邊個會有優勢。



每一次對戰都有唔同的比賽模式，有機會靠操作手法，唔係單純打底對手。



最終勝利亦可能係全部人一齊努力得番來。



最後要提一提，如果玩到有頭暈的情況，可以開防暈措施，我自己就建議開"弱"，因為畫面速度太快，真係唔係個個會習慣。



《卡比的馭天飛行者》確定將於11月20日發售，遊戲平台係 Nintendo Switch 2，一代主機的朋友就要換機啦！
盒裝版的早期購入特典是《卡比的馭天飛行者》壓克力登山扣。

相關文章: 「KIRBY'S PUPUPU MARKET」首次登陸香港 K11 Art Mall