§◎ Post76 23週年台慶版聚 ◎§ - 報名帖

245141525

Post76 23週年快樂?

名額限定！欲報從速！

今年同舊年一樣，只有108個名額，人滿就即時截止，錯過咗又要等出年喇⋯⋯
快啲叫晒啲朋友嗱嗱聲報名啦！
(11月5日更新：今年大家報名非常踴躍，我哋正積極為大家爭取後補名額。請大家繼續報名登記。我們會先作記錄，若稍後有後補名額可提供，就會立即通知大家！)

[ 提提大家，我哋係用 76id 做抽獎名額嘅，想有份抽獎，記得用 76id 報名喇，冇就快手開返個啦！(詳情留意下面報名須知)]

2025年12月2日，Post76 就 23 歲喇，感謝各位老友記們陪伴我哋成長！我哋每年都非常期待週年版聚，除咗可以同各位慶祝呢個咁有意義嘅日子，最開心嘅，莫過於一次過見吓大家啦！唔知今年大家又成功拎咗幾多批文，又毒咗幾多無辜入坑嘅朋友仔呢？真係好期待可以聚集到平時喺 Forum 一齊吹水、認真分享調教心得嘅版友能夠齊齊整整，面對面傾下影音玩樂經。

唔知大家有冇留意到，今年我哋做咗好多新嘅「第一次」，希望持續「初衷不變、緊貼現在」嘅新鮮感。
平時大家有冇睇小瑟逢一三五嘅直播呢？鏡頭前坐低同大家食住早餐、陪大家搭車返工，簡單分享下生活嘅點滴，希望拉近螢幕前觀眾同 Post76 嘅距離，令早上嘅時間過得更快更輕鬆。我哋更加邀請咗新主持加入，以佢哋嘅專業同愛好為大家提供更多專業意見同評測，了解到自己真正嘅需要，免得走更多冤枉路。Post76 會繼續為大家帶嚟更吸引、更多元嘅玩法！唔止係我哋進步，更希望可以同大家一齊經歷多啲、試多啲唔同嘅器材同玩法，帶嚟影音、生活、玩樂等嘅新鮮事。
時代不斷變化，作為媒體、作為真實嘅影音玩家，我哋嘅出發點永遠都係保持對影音玩樂最單純嘅熱誠，鼓勵更多人投入呢個美好嘅無底深淵，希望 Post76 能夠繼續陪伴大家！



----------------------------------------------------------------------------------------------------------------

Post76 台慶作為我哋每年壓軸嘅盛事，當然唔少得豐富禮品送俾大家喇。喺度當然一定要多謝各位廠家、代理、舖家們嘅支持！除咗日常支持我哋，更為大家帶嚟咁精緻嘅禮品，台慶長青特備節目 76大飲樣挑戰擂台? 就一定走唔甩㗎啦！其餘嘅，大家嚟到咪知道囉。
一年容易又台慶，一個有飯食、又有得拎獎品嘅活動，大家又點可以錯過呢？快啲嚟報名參加喇！

p.s. 經過之前嘅民意調查之後，台慶版聚最後決定提前喺 11 月 28 日 (星期五)舉行

Post76玩樂網 23週年台慶版聚
日期：2025年 11 月 28 日 (星期五)
時間：晚上 7 時至 11 時
名額：120名 (24位預留予工作人員席及代理席)
費用：每位港幣 $580，大小同價
地點：富軒 (太子始創中心)
地址：太子彌敦道750號始創中心5樓 (Google Link)



----------------------------------------------------------------------------------------------------------------

報名須知:
報名截止: 2025 年 11 月 25 日(星期二) 23:59 或之前
入數截止: 2025 年 11 月 26 日(星期三) 14:00 或之前
付款方式: 銀行直接過數、FPS 或 PayMe (一經確認收到相關費用，erinerin 會回覆作實並在確認帖更新)

1. 版友必須為 新仔玩家 級別或以上 (閱讀權限: 10 或以上)，
2. 並於 2025 年 11 月 25 日(星期二) 23:59 或之前在本帖報名，報名時須在「聯繫方式」欄目中填入所需聯絡資料，最後請點擊「我要參加」選項才算完成；
3. 每位版友最多可帶同一位家人/朋友出席。
4. 是次活動的抽獎遊戲將以一個「Post76 帳號」為一個抽獎資格；而非會員出席名額(例如家人或朋友)，將不被列入可抽獎名單。
5. 大家報名之後，erinerin 會透過站內訊息(即PM系統) 或 WhatsApp 聯絡報名版友，請大家將是次活動費用全數轉賬到指定銀行戶口，並於 2025 年 11 月 26 日(星期三) 14:00 或之前提交入數證明。


【確認帖傳送門】
https://post76.hk/forum.php?mod=viewthread&tid=358792

----------------------------------------------------------------------------------------------------------------
注意事項：
1) 會員被通知出席後，請於指定時間內「回覆表示出席」、「完成付款流程」並「提供付款證明」，任何一項或多於一項程序未完成，則視作自動放棄該出席名額及權利 ; 如該名額因此被取消或分配到另一會員，網站將不作出任何退款安排或任何承諾。
2) 由於場地座位有限，未經確認的任何會員/人士，謝絕 walk-in 參與。
3) 當日出席會員需於開始前 10 至 15 分鐘到達並簽到。
4) 如被安排出席的會員於當日活動缺席，則視作自動放棄該出席權利，網站將不作出任何退款安排或任何承諾，並保留取消該會員再次參加網站活動的權利。
5) 如因天氣或不可抗力因素而需要臨時取消是次活動，我們會於網站內公佈，並可能以 PM 或 WhatsApp 通知受影響的會員。
6) 網站有權按情況需要，自行更改相關內容及取消被抽中出席會員資格而不作任何通知。
7) 是次活動的抽獎遊戲將以一個「Post76 帳號」為一個抽獎資格；而非會員出席名額(例如家人或朋友)，將不被列入可抽獎名單。
----------------------------------------------------------------------------------------------------------------

----------------------------------------------------------------------------------------------------------------
Post76 玩樂網 「爆發影音‧新體驗」
----------------------------------------------------------------------------------------------------------------

erinerin

阿定

名已報

小瑟

GOGOGO!!! 大家今年預備好未~???

ccw0324

報咗名啦！

ccscho

已報名. 祝賀 post76 23 周年大快樂

greens

已經同朋友一齊報名

Ricky1703

已報名

erinerin

?? 台慶報名小TIPS
1. 如果同朋友分開報名，又想坐埋一齊，就記得喺「報名備注」講底你係「XXX嘅朋友」，小編會按照實際情況，盡量盡量盡量安排??‍♂️

2. 記得記得，「會員報名」先有「抽獎名額」， 「非會員」(例如: 朋友/家人) = 沒有抽獎名額??‍♀️!!!

3. 報完名等咗幾日冇聲氣(星期六日唔計)，真相只有兩個——一係小編大頭蝦，再唔係就係師兄填錯電話號碼!!!!??   嗚嗚我搵你唔到啊～～麻煩師兄主動PM聯絡我啦～