返歸玩一人一帖分享玩後感 : 免費玩HIZERO F300潔地機！

tommy1976

唔好意思，遲左交功課。 轉用HIZERO F300潔地機對於長期使用傳統吸塵機的老人家來說，將會是一個非常方便且有效的選擇。以下是一些關於這款新款潔地機的優勢，特別適合老人家使用：

1. 簡單操作
HIZERO F300的設計注重用戶友好，操作界面直觀，只需按下開關和選擇清潔模式，無需複雜的設置，讓老人家能輕鬆上手。

2. 輕巧設計
這款潔地機的輕便設計使得搬運變得容易，老人家可以隨意挪動，不會因為重量而感到疲勞。

3. 無線功能
HIZERO F300的無線設計消除了傳統吸塵機的電源線束縛，讓老人在清潔時不必擔心插拔電源，能自由移動，清潔更加靈活。

4. 清潔效率高
這款潔地機能夠同時吸塵和拖地，省去了多次清潔的麻煩。老人家可以一次性完成清潔，節省時間和精力。

5. 自我清潔功能
HIZERO F300具備實時自我清潔功能，減少了使用後的維護工作。老人家不必擔心清潔滾筒的髒污，使用更加方便。

6. 噪音較低
這款潔地機在運行時噪音控制得不錯，不會打擾到正在休息的其他家庭成員，讓清潔過程更加安靜舒適。

7. 節省水和精力
HIZERO F300的設計理念是省水省力，讓清潔變得高效，適合行動不便或體力較弱的老人家。

總結
將傳統吸塵機換成HIZERO F300潔地機，將為老人家帶來全新的清潔體驗。這款潔地機不僅提高了清潔效率，還讓清潔過程變得更加輕鬆愉快。對於希望減少家務勞動的老人來說，這無疑是一個理想的選擇。

Bellis.S

多謝 POST76 同 HIZERO 可以俾我同屋企人試玩呢部 F300 啊，本身就考慮緊買部清潔機器人（自己屋企周圍走果啲），不過見到小瑟推薦，又可以免費試玩，甘就報左名先喇！！！總結翻先！！！我係覺得正嘅！！！！



首先屋企係我做家務啦，不過好懶平時都係一個星期用吸塵機吸1-2次塵，拖地太麻煩就更懶啦。所以用 HIZERO 嘅 FIRST IMPRESSION 就係方便啦，拖一轉好似做埋吸塵，要清理都係簡單清下塵同換水，唔洗彎腰渣水，單單係呢點我覺得已經贏咗！！！ 佢用完唔洗炸水，因為冇嘢痴咗係滾筒上面，簡單清理頭髮同塵格，擺擺埋上跟機果個座，俾佢自己RUN一缸半缸水就OK。SO FAR 佢個滾筒雖然 KEEP 住半干半濕甘，不過用咗兩個星期有突，真系冇臭味。



另外，我個客廳去廚房係有條擋水嘅BAR嘅，如果拖廚房，就要成個拎起擺入去，第一下拎起，有少少估唔到佢幾重秤，不過佢本身無論水箱定手柄啲料都幾靚，唔係流經理嘅，都可以理解嘅。仲有係電線部分要小心啦，佢係會食線嘅，不過電器電線大家平時拖地都會避開，用HIZERO更加記得要避開，係唯獨呢個部分有啲瑕疵，其他部分都用得好開心。



仲有係HIZERO清潔時，我幾欣賞拖完嘅位置，只有薄薄的水留喺原地，真係拖完右邊，左邊就干，對於我屋企有個鍾意跑跑跳跳，冇咩耐心嘅小朋友黎講，真系幫到手，起碼唔洗擔心佢坐唔定，一行就跌倒先。適合屋企有小朋友或者狗狗嘅家庭！！！

AKIASA

我哋一雙奴僕加一隻貓主子，一齊住喺一間三房兩廳嘅村屋度。呢度空間大約 700 呎，地板大部份係瓷磚，我住果度嘅特色就係地面有啲唔平整，同埋好大塵，加上主子成日甩毛，用傳統方法清潔總係好費時費力。最近，多謝 Post76 同 HIZERO 聯合舉辦咗呢個 "返歸玩" 活動，等我哋可以有機會親身試用 HIZERO F300 仿生潔地機。呢款輕量級無線掃拖一體機，號稱可以「即拖即乾」，依家同各位版友分享吓真實使用心得。

除咗清潔之外，亦都係以下犯上嘅武器。

開箱同初始設定

產品包裝好簡潔，一拆箱就見到主機、拖頭、清潔滾筒、清水箱同髒水箱等配件。成個機重僅 3.5kg，比我哋主子仲輕，單手就可以輕鬆提起。組裝超簡單：將拖頭扣上主機，裝上清水箱（容量 800ml）同髒水箱（容量 600ml），再插埋充電器就得。首次充電大約 3 小時，官方標稱續航可以去到 40 分鐘，足夠覆蓋我哋成間屋。

日常使用體驗

我哋屋企清潔需求主要係處理貓毛、廚房油漬同客廳灰塵。F300 嘅操作方式好似傳統拖把咁：前推掃地，後拉拖地同擦乾。用部機向前推，啲固體垃圾同毛髮就自動入咗獨立儲存區，液體就畀吸入髒水箱，頭髮同微塵就透過仿生黏附滾筒分離處理，避免傳統洗地機嘅「越拖越髒」問題。 清潔完，地板幾乎即乾，踩上去唔會滑，特別適合有寵物嘅家庭。



喺三房兩廳嘅村屋環境入面，F300 表現好亮眼。清除主子嘅毛髮係最大挑戰，F300 嘅高聚合物滾筒可以實時自我清潔，毛髮唔會纏繞，推拉幾次就全數清除。 村屋地板偶爾有輕微凹凸，我哋擔心機器卡住，但佢嘅迷你拖頭設計（比旗艦款 F600 小一圈）讓佢靈活穿梭喺傢俬下面，連廚房狹窄空間都輕鬆搞掂。一次清潔全屋只需 20 分鐘，省時又唔累。續航方面，一次充電可以清潔兩次全屋，髒水箱滿咗就倒走，簡單易洗。

不過，喺處理頑固污漬例如廚房油漬嘅時候，需要多推拉幾下（大約 5-6 次），但呢個比手動擦拭快得多，仲有無揚塵設計令清潔過程唔會令呼吸同個鼻唔舒服。


總結

我細細個已經係靠吸塵拖地搵飯食（零用），之前用過好多牌子嘅吸塵機，例如日立牌嘅工業用吸塵機，價值兩萬個大洋嘅 Rainbow 吸塵機，Dyson，Karcher，小米掃拖機械人。。。。。。等等。我用過 HIZERO 之後覺得佢真係得喎！佢冇工業級嘅吸力，但係吸到晒地下啲塵。佢唔使兩萬個大洋，但係做到要用水嚟解決嘅揚塵問題。拖地嘅效果一定乾淨過搵阿信嚟抹地。呢個世界邊有咁完美呢，當然亦都有缺點嘅，對於啲窿窿罅罅，礙於體形所限，可能要搬開啲傢俱先可以清潔到。所以始終係要搵一部輕便嘅手提吸塵機嚟配合使用。唔知 HIZERO 幾時會出埋手提吸塵機呢？

後記

再次多謝 Post76 同 HIZERO 舉辦咗呢個活動。
好高慶認識到小瑟，幫忙安排聯絡嘅 Erin，Mike導（唔知有冇記錯）同埋一眾 Post76 嘅同事。見到你哋有講有笑好融洽咁一齊工作，就知道你哋台會做得更加成功。最後梗係要多謝 HIZERO 嘅 Ben 哥同埋佢哋嘅團隊深入淺出嘅講解同示範。 謝謝大家！

pac

很多謝post 76及HIZERO 搞依個「HIZERO F300潔地機試玩活動」等我依啲愛整潔嘅人可以試吓依部機啱唔啱自己用啦。
特別多謝HIZERO 嘅BEN 哥講解得很詳細，等我用起上嚟就更加駕輕就熟
首先講講我點解會參加依次試玩先。
我本身每日都會吸麈及每星期用清水或加小小清潔液抹地一次。
而抹地前會先吸塵再用濕布好似阿信咁踎喺度同跪喺度抹地，
都幾辛苦架，而且年紀越來越大有啲頂唔順， 見到有依個試玩就睇吓部機幫唔幫到手啦。
開箱相及文就唔出喇，
因為上面幾位師兄都有出啦，我諗我都應該係再後一個試玩者啦，不如講下我點樣試玩依兩部啦。

1）
試清潔效能：
經Ben哥講解依架機只適用於一般沙塵及頭髮用途，大粒的物件不宜使用，所以我就搵咗一啲普通嘅塵埃同埋頭髮去試吓佢嘅清潔效能得唔得先？
圖中所見清潔前及清潔後嘅效果清潔效能顯著值得一讚而且清潔完的地板面有一種很乾淨嘅感覺，清潔效能顯著。
使用前
使用後

2）測試清潔液體效能：
圖中所見清潔液體前後亦能快速清潔地板上的液體，而且可以快速吸收液體呢一關亦輕易過關。
使用前
使用後
3）清潔布面主人房地氈：
照片中睇到清潔前布面地氈面有頭髮碎及塵埃，
用依部機清潔後發覺布面地氈上的塵埃及頭髮唔見咗亦睇到回收水箱上的污水明顯加濃，表示此機亦能清潔布面地氈上的污漬，
而且踏在地氈上亦能感覺到地氈比清洗前乾淨咗。
使用前
使用後



4）咁啱依兩日仔仔間房外牆需要搭棚維修，搭棚工人需要踏上仔仔的床架上進出窗外搭棚，使到床架污糟咗，我就再用依部F 300試吓清潔，唔使兩三下手勢就清潔妥當，果然使得。
使用前
使用後
後記：在清潔效能上感覺依部機確實能做到理想嘅清潔效能，但使用上我覺得有一啲地方可能需要改善一下。

1）我覺得依部機在重量上是比較重，大範圍地方使用當然是沒有問題，但當有啲地方狹窄而需要轉彎嘅時候便需要整部機拿起來幫助轉彎，此時你就會感覺到部機不太方便了。

2）用此機時，每當在地板上前後郁動，每次經過地板夾縫時便會有卡卡聲聽起上嚟好唔舒服，令我恐怕會整壞部機。

3）抽出滾筒的按鍵好實，需要較大力才能把它拔出，我諗做咗美甲嘅女士們應該未必能把它拔出。
以上是小弟小小使用經驗希望能帶給大家一些參考啦。