【會後討論】一日兩場"玩雙主題" : B&W x Marantz添置體驗日

erinerin

好榮幸有 Leo 師傅坐陣、威廉 Sir 加持！帶師兄們嚟到位於添置 5 樓嘅胆皇音響同 9 樓嘅 Sound Art 體驗 B&W 同 Marantz 嘅組合!!! 🤭🤭 無論係細節嘅調教 定 精準嘅揀歌，都真係零舍唔同❤️

第一場 5/F 胆皇音響
感謝胆機大皇 Mark 哥幫我哋 set 好晒成套 B&W 802 D4 喇叭 配搭 馬仔大三元！ ☺️☺️ 今次仲趁人少少，玩埋掉位🥰🥰🥰 俾幾位師兄輪流感受「皇帝位 👑」嘅「皇帝級體驗」🤏🏻👍🏻🤪 真係非常有心思🥰



第二場 9/F Sound Art 聲藝
多謝 Sound Art 揸 Fit 人大哥準備咗 B&W 殿堂級鸚鵡螺喇叭出嚟🥹🥹 仲特登拆咗 4 對 Model 10 嚟推!!!! 再加上 Leo 師傅嘅親自調教之後，將呢個破天荒嘅組合昇華，大家都聽到點晒頭，嘩嘩聲 🥹🥹❤️ 仲玩埋聽得出嘅A/B比較🥹 真心犀利



🚪傳送門：
【活動報名】一日兩場"玩雙主題" : B&W x Marantz添置體驗日
https://post76.hk/forum.php?mod=viewthread&tid=358122&fromuid=128863

🚪傳送門
【活動確認】一日兩場"玩雙主題" : B&W x Marantz添置體驗日
https://post76.hk/forum.php?mod=viewthread&tid=358208&fromuid=128863


轉頭同大家 Update 是日花絮！開咗個坑先🤪

小瑟

今日同大家分享左當日第一場 5/F 胆皇音響，感謝胆機大皇 Mark 哥幫我哋 set 好晒成套 B&W 802 D4 喇叭 配搭 馬仔大三元！ ☺️☺️ 今次仲趁人少少，玩埋掉位🥰🥰🥰 俾幾位師兄輪流感受「皇帝位 👑」嘅「皇帝級體驗」🤏🏻👍🏻🤪 真係非常有心思🥰。

🔊 由發燒音響大師 Leo 師傅、影音專家 威廉 Sir 同埋親愛嘅 小瑟 帶路，帶你深入感受 Marantz 10 系大三元旗艦組合同 B&W 802 D4 座地喇叭嘅震撼音效！🎧

小瑟

旺角添置「聲藝 Sound Art」終極之旅第二彈！B&W x Marantz Model 10 四倍推 B&W 鸚鵡螺，串流 PK CD試玩戰！

🎥 旺角添置音響聖地第二站，衝上9樓聲藝 Sound Art！今次陣仗超大，用 4部 Marantz MODEL 10 合力招呼 B&W 殿堂級 Nautilus 鸚鵡螺喇叭！😱 配搭 Marantz SACD 10 同 LINK 10n，究竟呢個「四倍功力」組合會爆發出咩神級音效？🔊 發燒音響大師 Leo 師傅、影音專家 威廉 Sir 同親愛嘅 小瑟 親身體驗，帶你感受前所未有嘅 HiFi 震撼！🎧 由第一站5樓膽皇音響過渡上嚟，一日內兩層樓雙重試聽，絕對係發燒友必看！

erinerin

5/F 胆皇直擊

erinerin

9/F Sound Art

小瑟

今日狀態唔太好，唔係好夠訓，如果悶親大家多多見諒！！

神武光輝

我第二場,終於感受到高解像檔案嘅真正威力,當然擴音機同喇叭都好重要,用陸小鳳劇中對白,月圓之夜紫禁之巔一劍東來天外飛仙！空氣感音場闊度分析力全勝！希望盡快有横財,可以入齊一套,馬蘭士同b&w鸚鵡螺喇叭！最有驚喜係部Link10,令我對串流產生興趣，原來可以咁靚聲！

lauwaipong

新一代的amp比舊的推動力好，由其是打鼓果段，無論控制力及分析力都好過上一代機好很多，唯一系佢的招牌中頻比較弱，如果能夠改善就更加好

juno2889

正如小瑟所講，聽完第二場，以後可能唔會買CD,只買File

kelvinhin

之前喺尖沙咀 B&W Showroom 聽過 CH Precision 西裝推鸚鵡螺嘅效果，換成價錢相對平一截（但都唔平）嘅 Marantz 10 西裝，效果其實唔係爭好遠，最主要係聲音密度冇咁密不透風。但今次最精彩係 Leo Fung 示範 CD 同 Hi-res file 嘅分別，過往有好多人話 CAS 要玩到好貴好複雜先可以去到 CD 個級數，但今次卻證實咗只要原檔夠靚，CAS 播放 Hi-res file 不論係聲音細節、密度、動態係可以明顯比 CD 好。其實依樣嘢都唔係第一次知，十幾年前 CAS 啱啱崛起時，已經明白依個道理。只可惜喺 HiFiTracks 結業後，要買香港/華語歌手嘅 Hi-res file，要「翻山涉水」去外國網站（例如 Mora、Qobuz）先買到，真係諷刺。慶幸依家串流都畀到同買 Hi-res file 基本上相同質素嘅 Hi-res 音質，都可以接受嘅。至於咁樣比較完之後會唔會話唔買 CD 呢？咁又唔會，始終CD 現時嘅價值仲同時係作為收藏品，依點喺 file 無可替代。

yll3619

首先多謝Post76工作團隊,sound art場地+線材,Leo大哥,提供私人珍藏file,提供加裝調聲板(喇叭旁邊)比較音響展時好聲得多,威廉Sir調教可以有幸聽到一場B&W鸚鵡螺+4部馬仔MODEL10的功力Marantz LINK10N SACD10,這場show各位聽眾都好爽,播放羅文曲目人聲樂器非常像真,希望76團隊多D兩聲道活動,感謝各位.最後多謝Hugo百忙中幫手拍照,謝謝