十分充實的假期

chhanthony · 發表於 2025-8-15 19:22

今次短短16日返香港去咗兩日音響節，喺會場買咗部Ifi Omni Lan同部Keats P6加一條電源線，之後買多條二手電源線。

一心諗住喺香港買啲4K影碟返嚟，但除咗旺角去咗好多區啲碟價都貴過Amazon，唯一兩舊水入咗隻九龍城寨美版，本身有英版但係無HDR，Dolby Vision同DTS:X，買返隻看門口。

最開心莫過於去咗六個家訪，可以聽到唔少組合，可以真係袋唔少錢走，每次家訪完都想即刻返嚟聽吓自己套機差幾遠。

好不容易等到返屋企，幫手執好曬啲行李就即刻入房駁線砌機，點知幫部AV Processor換完條電源線後發覺部機無電到，左check又check發覺其中一條fuse燒咗，唉唯有上Amazon買返十粒八粒頂住先，對之前家訪啲聲都開似模糊，現在只求換完fuse後可以正常開機就好了。

最後真係要感激幾位招待小弟家訪嘅朋友：達兄，Zero兄，Simon兄，GSir兄，炳雄大哥同Ricci，個個都各有特色，小弟真係有排都set唔到咁嘅效果。