床褥牌子請教！

小瑟

愛皇健，席夢思，睡康寧，海馬，sealy，EMMAS。

大家用開邊隻！？

old8woman

我用緊海馬,雖然是cheap野但都ok喎...........................

NM0101

   我：用開竹蓆
大王：9唔搭8，拉出去打

p76marco

由細到大都係訓乳膠，所以結左婚都係買海馬(二千多)。但近大半年，條腰好鬼痛，有時好d、有時差d，但未完全好過。
跟住去左一個長旅行，日日訓酒店，發覺條腰旅行時無事，就知係床褥問題。可能過五十，身體有轉變，唔再訓得太硬的。
最後換左E牌的內地line(折左差唔多7千)，即時條腰無咁痛(好返八成)。
唔係賣廣告，不過要留意最basic，乳膠、彈黃、獨立彈黃係有分別，最緊要自己去門市試真d。乜野牌子都係，同音響一樣

p76marco

另外要留意，E牌有s同無s係兩個牌子，我初時都搞錯。有s的有門市專賣店，claim係澳洲品牌(有澳洲造既系列)。無s唔覺有專賣店，德國品牌。

007

用咗德國Emma6年，其中一樣買點係上落床嘅時候唔整醒隔離另一半，呢樣對睇波嘅我嚟講係好緊要，唔係死緊，佢應該仲有做試睡100天，床褥同呢AV產品一樣，講口味，大王可以即管一試.

Blackbrid

起初用席夢思瞓到周身骨痛,後來轉咗絲漣床褥瞓咗20年都冇事,真心推介.

f31

之前一直都係瞓開 Sealy，唔知係唔係年紀大咗，開始覺得佢唔夠硬，上年換咗 SIMMONS，又幾好瞓噃...

p76marco

我估就算所有因素不變，床褥日日用，用七至十年，都夠期要換

marco

以前用海馬,而家用緊EMMAS,床褥日日訓,買張訓得舒服好緊要.