提升人聲中高頻

MDLP

koalaau 發表於 2025-8-6 07:59
樓主已經用到金仔、Siltech，喇叭都唔平，已經算好高級，升級係無盡的，有時想追求多少少，就如樓主要的高 ...

其實對Fyne Audio Vintage 5論價錢第一對三萬元以上級數嘅喇叭

ac388

HoChuenBri@G 發表於 2025-8-1 18:24
如果Eversolo 到Accuphase 的平衡線有冇建議

我也是用A6 ME的，最近由Supra 轉到Hamonic Technology的Texas , 聲音有如脫胎換骨,人聲特別暖和甜美

HoChuenBri@G

MDLP 發表於 2025-8-6 08:54
其實對Fyne Audio Vintage 5論價錢第一對三萬元以上級數嘅喇叭

師兄意思三萬蚊有d更好選擇？

MDLP

HoChuenBri@G 發表於 2025-8-9 20:50
師兄意思三萬蚊有d更好選擇？

師兄唔好誤會，我並唔係話你對 Fyne Vintage 5 唔值三萬元級數。其實好多大廠喺呢個價位都有佢哋獨特嘅地方，就好似你去餐廳食飯，一個人三百蚊，唔一定話日本菜一定好過西餐，最緊要係啱自己口味。

揀喇叭其實有啲似配眼鏡——唔係淨係睇規格，而係戴上去之後自己覺得啱唔啱、舒服唔舒服。所以最好就係多啲出去試、多啲聽，總會遇到一對喇叭，你冇特別理由都會覺得同佢好夾。

基本上揀喇叭有三個重點：第一係你自己嘅聽感同口味是否適合自己喜歡嘅音樂類型；第二係屋企環境適唔適合；第三就係器材之間嘅配搭。

MDLP

HoChuenBri@G 發表於 2025-8-9 20:50
師兄意思三萬蚊有d更好選擇？

我再舉個極端啲嘅例子：如果你係鍾意聽金屬、搖滾、電子、Hip-Hop、Club 呢類重口味音樂，你用緊嗰款三萬元級別嘅高階喇叭，真係冇可能同 JBL PartyBox 720 或者 1000 嗰種風格去比較。

你可能會話：「喂！嗰啲係藍牙喇叭嚟㗎嘛。」冇錯，唔係講價錢問題，而係本質唔同。就好似最傳奇嘅 LS3/5A——佢可能播人聲確有一手，但如果你攞嚟播啱啱講嗰啲重口味音樂，就真係唔係嗰樣嘢。

MDLP

HoChuenBri@G 發表於 2025-8-9 20:50
師兄意思三萬蚊有d更好選擇？

最近有朋友借咗對 Airpulse A300Pro 書架式主動喇叭，面價唔使一萬蚊，仲自帶解碼同藍牙功能。我真係冇諗過 Edifier 號稱「高性價比之王」真不是浪得虛名！一對九千蚊嘅喇叭加一部九千蚊嘅擴音機，就算解碼唔使錢，都好難做到呢種音質效果。
試播王傑嘅《故事的角色》入面嘅《幾分傷心幾分痴》，真係聽到我呆咗！低音深潛得來有條理、有質感，完全唔似一萬蚊以內嘅喇叭表現。我估計佢嘅設計應該內建 DSP 低音補償，否則唔可能有咁出色嘅低頻表現。相比之下，Vintage Five 就算播得出王傑嗰種滄桑味道，絕對無可能呈現《幾分傷心幾分痴》嗰種重鼓聲同沉浸式低音，但又絕不over。

MDLP

事先講明！我只係一時聽完之後有感而發，並不構成購買建議。因為喇叭唔係買返嚟就保證好聲，好大程度要睇配搭同環境。我右手邊嗰對 Target 腳架幫咗好多忙，但左手邊嗰對白色 JBL 4306 用返原裝 JBL 腳架居然可以衰聲到爆。
A300Pro 本身唔係無缺點。音色偏冷，理性為主，唔算暖聲取向。聲音嘅密度亦受到解碼或者D類放大德州儀器晶片級數受到限制。低音雖然重同有質感，但開大聲時無咁爆棚嘅音壓同動態。別睇佢正面看似細隻，實際上箱體深度好誇張，仲係後倒相孔設計，擺位要特別注意。不過要讚嘅係佢嘅木箱工藝，質感同 finishing 絕對有五萬蚊級數嘅水準，超值！