Perlisten D15S 用後感

cheungyunwai

cakecake 發表於 2025-7-23 06:15
佢大音壓下聽得出個單元重係好定唔發, 咁既控制力係真係其他廠少見, 如果不是口味問題("旺角"對味D), 隻D ...

係咪行Apps嗰啲先會甘

cakecake

cheungyunwai 發表於 2025-7-23 08:32
係咪行Apps嗰啲先會甘

不是, 我兩隻牌子超低音都係咁, 一搬走個router就乜事都無

maxmax

cakecake 發表於 2025-7-23 11:33
不是, 我兩隻牌子超低音都係咁, 一搬走個router就乜事都無

師兄請問如 wifi router 干擾到隻十仔，會有d咩情況出現?

samngan@G

新手留名學習

AskaLung@FB

maxmax 發表於 2025-7-23 12:25
師兄請問如 wifi router 干擾到隻十仔，會有d咩情況出現?

我都想知喎，我嗰個Wi-Fi都喺附近

xyzero

ken01010 發表於 2025-7-23 00:45
想笑死人咩，竟然有人自稱聽力好過佢嘅人應該唔多，講到自己係宇宙標準咁

講真，批評永遠都好易 ...

唔好意思簽到哥 (太多人叫 Ken)，我知你係邊個，聽力呢方面我又真係講得誇張咗，抱歉， 不過我又冇話自己好準，可能令你誤會。

其實我有諗分享自己一啲心得， 但驚講完未必令大家明，所以就唔獻醜。

我都經常搞家訪叫人上嚟聽， 但我個人覺得搞家訪又唔使咁高調嘅， 而且每次家訪我都係招呼一個人，我試過特登請9日假招呼十幾個朋友上嚟聽。

而且家訪過程我都幫人哋去搵問題，亦都幫咗個別某啲師兄將套機搞得比以前好咗， 但我又唔會特登上網講我自己有幾幫到人。

咁當然其他人有冇收代理錢或者買嘢平啲? 買嘢平啲咁樣算唔算收受利益? 我唔知? 亦都唔會評論，咁你又點知其他人有冇收受利益呢? 你咁肯定? 證據?

本身都唔想再睇呢個post不過咁啱我朋友見到有send出嚟 咁我又講下嘢啦

咁當然pac大哥無私嘅分享我覺得係值得敬佩， 冇錯每個人口味都唔同亦都合理，但舉個例子當你讀書嘅時候你老師教你嘅嘢同正常脫離得太遠咁又會點呢? 不如自己諗諗?


我識唔識set機？聽力叻唔叻? 係咪鍵盤戰士? 你又未上過嚟聽過，你又點知我係鍵盤戰士呢?

呢度有都圍數唔少嘅師兄上過屋企。我都想知我識唔識set機🤣🤣🤣

你都未上過去我度聽過就咁叻批評人， 會唔會覺得好好笑呢?

TsangMan@G

留名學嘢

xyzero

TsangMan@G 發表於 2025-7-23 15:37
留名學嘢

教學就唔敢當🙏🏻🙏🏻🙏🏻
可以分享少少家訪經驗啦， 播啲低音好勁嘅戲，例如挑戰者1號，未來戰士5流星拳，龍虎門， john wick 4，哥斯拉......  總言之本身套戲啲低音係好勁，越多越多就越過癮 嗰啲， 播得到好勁又唔代表一定係完全理想，因為有好多其他嘅戲可能會播得差， 通常我去測試一套系統唔係一味淨係播啲低音強勁嘅戲， 一般比較難播得好嘅影片可以推介一下畀大家試下:

艷舞巨星
大武生
十面埋伏
隱形嚇
Top gun 2
原子殺姬
借東西的小人
無聲絕境2

前6套係最難播，亦都考驗你低頻消散同注波， 你低頻越多，上面嗰唔同就越死得快。

艷舞巨星 最尾嗰段歌舞，好易一下下嘅低音全部黐埋一舊或者係低音直頭冚曬前面三隻主聲道， 甚至係拖尾拖得好嚴重

另外大武生 Ch3 都係難播，呢個係試全頻嘅比例， 如果三頻 有嚴重嘅多，呢套戲係會好容易表現出嚟， 如果低音多打每一下都係同一個低音 Tone ，完全聽唔到大細力， 如果高音過多 道具打鬥嘅時候每一下都係好響聽唔到大細聲

隱形嚇 ch1 最主要試氣氛，臨場感，如果你低音過多chapter 1 背景打嗰個浪就會冚曬你本身環境聲，播得唔好嘅人會覺得套戲好悶，完全冇緊張嘅氛圍， 另外開頭打嗰個浪都唔係咁容易。

Top Gun2 就更加唔使講，ch9, ch12 我聽好幾個人講都覺得top gun 2 唔過癮唔刺激，甚至話唔好聲，實際套戲係好好， 呢度係最難播到速度感，氣勢，走位

十面埋伏 都麻煩如果低音過多你個鼓拖尾會拖得好嚴重，甚至我聽過配樂嗰個鼓大個章子怡打嗰個鼓

原子殺姬 都係一套非常難播嘅戲， 好多人都會播到冇力 ，低音越較多就越怪， 支槍嘅件頭又細

通常我家訪大約會有20套戲去測試 ，有少數朋友講緊係9成試片都播到一pat嘢， 咁但係播啲低音多嘅戲又ok喎幾過癮， 但播幾套好但其他嗰啲又播得唔好，咁睇你自己點衡量。

好多時候有啲朋友覺得啲戲錄音好差，主要因為佢系統係有啲問題出現，其實完全唔係套戲錄音問題。


而且音響呢家嘢唔係你器材貴就大曬，我聽過一個 76 嘅師兄簡簡單單一套天龍合併機乜嘢都唔加，正常全部完美播完，亦都試過一個七八十萬嘅朋友差d仲衰過山巴

我本人覺得Set 音響唔係單單憑數據，數據係一種協助亦都唔可以淨係用耳仔，兩者要互相配合。

分享咁多算再講可能太複雜

ken01010

xyzero 發表於 2025-7-23 15:11
唔好意思簽到哥 (太多人叫 Ken)，我知你係邊個，聽力呢方面我又真係講得誇張咗，抱歉， 不過我又冇話自己 ...

你識唔識set機？係唔係咁叻？我確實冇聽過，係一個問號
請問大師你幾時會再搞家訪？歡唔歡迎我到訪見識一下？

xyzero

ken01010 發表於 2025-7-23 16:16
你識唔識set機？係唔係咁叻？我確實冇聽過，係一個問號
請問大師你幾時會再搞家訪？歡唔歡迎我到訪見識一 ...

不敢不敢請師兄呢啲大人物🙏🏻🙏🏻🙏🏻

月頭Anthony 兄英國過嚟香港順路上我屋企家訪互相交流，師兄可以私底下問佢聽感。