2025年6月份港版新碟4K 與 bluray (介紹新品)

allen89

資料轉載
無痛俠(Novocaine)是一部集合動作、喜劇元素的電影，香港的公映時間是2025年3月。

預告


劇情
夢中女神(安柏美芬達)畀人脅持做人質，平時符符碌碌嘅朴析痛(積奎爾)，終於有機會一展所長，將佢獨有嘅「零痛感」特異功能，化為搶救女友嘅獨門武器！

演員及幕後
無痛俠主要演員包括積奎爾、安柏美芬達、雷尼高遜、貝蒂基比、麥禾舒、盧比亞提、雲漢斯特、康納甘普及積及貝塔隆，電影由丹柏克, 羅拔奧爾森執導並由拿斯積及臣編寫劇本。


關於無痛俠
做超級英雄？唔通真係人人都想做超級英雄咩？《殺神JOHN WICK 3》監製祖比夏萊（Joby Harold）率領荷里活新一代導演丹柏克（Dan Berk）及羅拔奧爾森（Robert Olsen）聯合執導嘅《無痛俠》（Novocaine），就係講一個焗住做超級英雄嘅故事！丹柏克及羅拔奧爾森呢對拍檔組合，曾經榮獲「辛蘭丹斯電影節 – 評審團大獎」（Slamdance Film Festival – Grand Jury Prize）提名，呢個影展出咗名係新晉電影人嘅試金石，例如：金像大導演基斯杜化路蘭（Christopher Nolan）及曾經炮製多部威漫電影嘅賣座導演羅素兄弟（Anthony and Joe Russo），初入行時都參加過呢個影展，並因此而得到賞識；丹柏克及羅拔奧爾森話唔定亦係荷里活未來爆升嘅「潛力股」！ 幕後有新一代導演，幕前亦有兩位「星二代」拍住上一齊孭重飛。佢哋分別就係「愛情片天后」美琪賴恩嘅乖仔積奎爾（Jack Quaid）同埋金像影帝積尼高遜嘅乖仔雷尼高遜（Ray Nicholson）。一個要英雄救美，一個係殺人唔眨眼悍匪，除咗演技大比併，仲有幾場動作戲大家要正面對峙，打到砰砰聲。