(會後討論) 馬蘭士 AV20、AMP20前後級體驗夜

ERIC1@G

多謝 post76 所有工作人員包括主持 及 威廉sir用心講解.
坐在第一排偏中間位置. 以個人感覺 這晚的設備組合 在音樂表現方面非常出色. 使一套電影內的配樂 像配角變為主角. 後段音樂會分享. 更突顯其優勢.

個人感覺不足之處. 電影人聲 未達預期之內. 重低音未能給予澎湃的感覺. （可能我太坐在中央位置）.

而整體試音的音量. 稍為偏低. 未能達至戲院效果.

時間所限.測試影片不算多. 而且未能鑑賞雙聲道歌曲效果.
有點遺憾.

LeoChin@FB

ERIC1@G 發表於 2025-5-31 13:59
多謝 post76 所有工作人員包括主持 及 威廉sir用心講解.
坐在第一排偏中間位置. 以個人感覺 這晚的設備組合 ...

可能係片種問題，人聲方面，九龍城寨啲對白，真係唔係咁掂

ERIC1@G

LeoChin@FB 發表於 2025-5-31 14:21
可能係片種問題，人聲方面，九龍城寨啲對白，真係唔係咁掂

同感.. 所以超音鼠 人聲就厚實返好多. 但九龍城寨 個背景音樂真係聽得好舒服.音樂部分我好欣賞

LeoChin@FB

ERIC1@G 發表於 2025-5-31 16:26
同感.. 所以超音鼠 人聲就厚實返好多. 但九龍城寨 個背景音樂真係聽得好舒服.音樂部分我好欣賞
...

現代嘢、我乜都唔識，淨知 LD 年代、日本版嘅碟係比較好，（城寨）可能係隻美版碟影響喇

Azar

我唯一玩過既一套家庭影院已經係20多年前既事，果陣時用Yamaha av amp駁全套Bose 5.0喇叭（前301+後201），當時已經感覺很震撼，不過後來環境及其他因素限制要放棄，但一直keep住2 channel, 睇戲一直係戲院。可惜現在睇開既戲院已全部結業，都係時候諗下搞返係屋企睇戲，昨晚係第一次參加試聽家庭影院的活動，廿多年前感覺返哂黎，現在既器材比當年已有長足既進步，營造既空間感更強,超低音比戲院更有質素，特別係九龍城寨中秋哥向洛軍連環出擊，唔係量大，而係感覺到下潛力，令觀感更肉緊，另外Marantz既調聲已有先天優勢，令背景音樂更舒服，謝謝post76.com各位既安排，係非常愉快的一晚🙏

RaymondCheng@FB

今次最驚喜係睇串流啲聲好咗好多

LeoChin@FB

感覺、如果一個月後（所有嘢煲好哂）再試過，應該更上一層樓

AskaLung@FB

ERIC1@G 發表於 2025-5-31 13:59
多謝 post76 所有工作人員包括主持 及 威廉sir用心講解.
坐在第一排偏中間位置. 以個人感覺 這晚的設備組合 ...

咁其實如果講有啲不足嘅地方，又可以講吓
咁以下係個人聽感，本身我就坐喺第二行中間位左隔籬嗰個位置，咁因為我真係唔係坐正喺中間位，我唔可以講嗰日嘅最準確嘅感受，淨係可以講當日我坐喺我自己嗰個位嗰個感覺，第一，都係我第一次上面嗰個留言咁樣講嗰個超低音嗰個量真係比較多，不過講真佢嗰個衝擊感質感係非常之唔錯嘅，咁但係由於真係非常之多低音，我自己就覺得將所有主聲道包括天花後置所有嘅聲都遮咗差唔多接近大半，同埋話喺我個位聽到嘅感覺就係喇叭同個低音個銜接有少少唔係太過銜接得到，基本上試咗三套戲一個張敬軒，每一套都有一個低音浪住喺個底嗰度，個感覺就唔係好舒服，不過可能我唔係低音狂，所以我就唔係太過喜歡，不過個低音係包到整個場地嘅，只不過係個量係大咗啲，我覺得校返細啲係完全係好好嘅，同埋由於嗰個中置同個屏幕嘅高同低嘅距離相差比較遠，完全同個畫面唔係太夾，我諗如果再裝返高啲會好好多，同埋天花我真係完全感覺唔到有音效，我覺得都係因為個低音多得滯，遮咗比較多啲聲音，不過依然都係聽到av20嗰個底子係幾好，如果擺喺屋企玩，我覺得應該真係一部好唔錯嘅選擇，不過最後都講吓show Room擺成差唔多接近20人喺晒入邊其實真係好影響嗰個聽嘢嗰個感覺，尤其是唔係坐喺正中間，所以個廳感真係個個都有啲唔同，其實真係可以又或者同樓上有一個師兄咁講，可以嘅話真係輪住坐一啲位置，咁可以聽吓唔同嘅感覺

xyzero

LeoChin@FB 發表於 2025-5-31 14:21
可能係片種問題，人聲方面，九龍城寨啲對白，真係唔係咁掂

九龍城寨套戲人聲混音算中規中舉唔差㗎喎，如果馬仔+BW 播得差咁真係有啲問題

xyzero

Azar 發表於 2025-6-1 00:33
我唯一玩過既一套家庭影院已經係20多年前既事，果陣時用Yamaha av amp駁全套Bose 5.0喇叭（前301+後201）， ...

通常呢啲show都表現唔到套器材有幾好， 因為場地大照顧人數多，如果你真係想玩返多聲道我建議你去吓啲唔同師兄地方家訪一下，正常應該會畀你當日聽好好多