[分享]Marantz保養維修的慘痛經歷

minglau@G

話說今年2月份部pm6007不明原因燒咗個底板，於2月25號送咗去長沙灣Marantz維修中心維修。起初頭2個月佢哋話零件未送到叫我等下，到4月尾再催佢地時佢答話已收到零件會叫師傅着手整。直接昨日再致電問進展既時候，一位姓梁既職員接聽並答我狀態顯示仲等緊零件。整個過程前前後後足有三個月，我whatsapp 電話不時催佢哋，唔係話要等師傳覆就係等零件，但從來無主動覆番我進度，感覺如果唔keep住打過去可能一世都唔打算整我部機。我同佢哋講如果昨日無一個令我滿意既答覆，我會採取進一步行動，另外都寄埋電郵去marantz俾佢地知道個情況，暫時今日兩邊都無反應，睇嚟都無惗住覆。

我想像唔到Marantz咁大牌子會都咁樣做野，保養卡如同一張廢紙，如果各位師兄有其他選擇，衷心提醒千其唔好買Marantz

fmchan

維修係好重要嘅一環。次次要客追問進度，將心比心可以接受嗎？Marantz 仲可以俾客人信心嗎？

minglau@G

我期待應該一個月內搞掂，曾經試過PS4顯示卡有問題，佢幫我換零件前後唔洗一個月，一樣都係外判保養維修。我部Marantz用咗五個月就壞，拖咗我三個月，如果再拖多幾個月過咗一年保養又唔知點計…

minglau@G

剛剛有marantz 代表打黎幫我跟進，有時間俾到我，希望可以盡快解決到

minglau@G

fmchan 發表於 2025-5-22 09:47
維修係好重要嘅一環。次次要客追問進度，將心比心可以接受嗎？Marantz 仲可以俾客人信心嗎？ ...

完全同意，音響電器有別於其他家居電器，一來相對價錢較高二來都容易出問題（尤其係擴音機）。無可能一壞就買另一部，今次初燒幾千蚊啫，將來如果升級萬元級就肉都痛埋

LOENDFANS

沒有良好售後服務為何要買行貨？？？倒不如直接買水貨更好價錢又平一大截

malikysl

minglau@G 發表於 2025-5-22 12:05
我期待應該一個月內搞掂，曾經試過PS4顯示卡有問題，佢幫我換零件前後唔洗一個月，一樣都係外判保養維修。 ...

叫佢延長你保養，因為整完囉機返去都要試，又唔排除又有其他野壞!

minglau@G

malikysl 發表於 2025-5-22 16:29
叫佢延長你保養，因為整完囉機返去都要試，又唔排除又有其他野壞!

謝謝師兄提醒，個位代表係電話有自動答應幫我加咗半年。有專人跟點都好啲