走焦及閃燈一問 ...

wil-wil

                     

今日請教一位老死，一直佢既工作都同攝影有關，之前玩開 Canon 好多年，現在已轉會 Nikon。佢做個凡行內大部份轉左會，一來因為 C 仔鏡有走焦情況；二來閃燈好唔穩定，會有唔閃既情況。所以佢建議我唔好買 580 支閃燈，要買就買其它幅廠 ...  其實之前佢都力叫我唔好用 Canon，所以最初覺得佢可能係品牌取向先咁叫我，大家見解如何?

jackiewong518

閃燈我又冇試過有事喎....

Raphael

其實 Canon 同 Nikon 都會有走焦，不過 Nikon 一向處理影像都偏向銳利度較高，所以無咁罷顯眼。至於閃燈，同意 Nikon 做得較好。Canon 玩飛燈要靠主燈嘅閃光/紅外線引發副燈，室外時好易miss。

順便一提，上面幅對焦圖片，焦點前移咗。因為正常情況時，前景深應該淺過後景深。

pam_jack

回復 1# wil-wil

你個老友所講嘅...有部份啱嘅 ~~ 不過都唔太建議開個咁嘅討論喇...哈哈...因為通常都會演變成流血衝突 ~~ N 記 C 記人互毆...最後要 wil 兄出嚟叫停 ~~ 其他台通常都係咁 ~~ 希望呢道唔會啦...

言歸正轉 ~~ 閃燈的確係 canon 弱項...不過去到 580 二代...即 EX II...已經係好好好好多...580 EX 就真係 ~~ 勞氣死 ... 剩係輸出唔平均都已經玩死你...尤其係要開工...所以 PRO 佬一定要帶電箱...唔係就死緊 ~~ 不過未至於叫你唔好買原廠燈囉...尤其你係新手添...580 EX II 會幫到你...唔係你仲有排未上手...用熟咗先考慮副廠啦...反正多支燈有好冇壞嘅...飛燈都唔知幾好玩 ~~

至於走焦...我對呢個問題有所保留...不過 canon 不嬲都一分錢一分貨...紅圈鏡就好 d...一般鏡無論做工...同成像 都比較一般...不過勝在價錢平...夠大眾化 ~~

其實冇話唔好用 canon...兩個牌子都有佢地嘅優點...有 d 野佢地咁多年都係爬唔到對方頭...所以 Wil 兄慢慢消化先...我覺得最重係要先揾到自己條攝影路...然後先諗器材...你冇方向...俾咩器材你...人地講兩句你又想換架咋...

你又不妨問吓你老友...除咗依家 D700 好少少...N 記有邊部機可以影到紅色有層次感而唔係死紅呢?
你又有冇留意...大球賽...成個球場見唔見到支黑色嘅長鏡架? 9 成以上都係紅圈白鏡...點解?
冇話邊個好過邊個...睇自己需要...他日先轉會...好平常事...甚至雙系統都仲得...

wil-wil

我自己一向好喜歡 Canon ... 佢之前話我如果買 Nikon，揀 body 就得，佢因為搵食，大把鏡可借我都無心動，所以我呢刻並無被動遙!
另外，我都好相信 76 師兄係理智分享自己經驗，唔會以自己意願強加人地身上，相信分享無妨，單睇你既回覆已經知道我地會員質素幾高!

回復  wil-wil

你個老友所講嘅...有部份啱嘅 ~~ 不過都唔太建議開個咁嘅討論喇...哈哈...因為通常都會演 ...
pam_jack 發表於 2010-4-22 01:19

pam_jack

我自己一向好喜歡 Canon ... 佢之前話我如果買 Nikon，揀 body 就得，佢因為搵食，大把鏡可借我都無心動， ...
wil-wil 發表於 22-4-2010 01:27

Wil 兄你啱...買野緊係買自己鍾意嘅野架啦 ~~
高手用手機都影得靚 ... 俾我揸 D3S 都係爛相一堆 ...

wil-wil

你都未出個自己既作品，點知有幾爛 ，不過你既經驗分享咁吹得，爛既有個泡 ...

Wil 兄你啱...買野緊係買自己鍾意嘅野架啦 ~~  
高手用手機都影得靚 ... 俾我揸 D3S 都係爛相一 ...
pam_jack 發表於 2010-4-22 01:58

pam_jack

你都未出個自己既作品，點知有幾爛 ，不過你既經驗分享咁吹得，爛既有個泡 ...
....
wil-wil 發表於 22-4-2010 02:05

俾你識穿咗添... ...真係吹水架咋...

wil-wil

一 search 就搵到懷疑你既作品，唔係咁都唔 post 上黎?  係唔係話我地未夠班先?

pam_jack

一 search 就搵到懷疑你既作品，唔係咁都唔 post 上黎?  係唔係話我地未夠班先? {:6_176 ...
wil-wil 發表於 22-4-2010 02:14

哈...人有相似架姐...