ifi Silent Power OMNI Lan詳盡實測

heerocolour

ifi Silent Power OMNI LAN
話說ifi又出D勁神奇既野，上年個件iPurifier Pro神到一個點😓，今次我醒呀即刻揾燈伯幫手唔觀望啦，橫掂我睇睇下野佢都會好神秘咁係我後面出現家啦🤣🤣🤣
咁我即刻打俾燈伯問佢係邊啦，打通左之後我只係聽到好噪既直升機聲，跟住仲cut埋我線……..（即係又係地中海打劫緊既貨輪啦😅😅😅)
無聊嘢我地唔好再講😅，一隻有光電轉換、又有switch功能、又有得接鐘的cas產品真係一隻手掌數得，而且好多都係本地品牌，價錢都唔平。
Omni Lan佢既功能我就唔重複講啦，留返你地自己上聲望既官網睇啦，但我會講我試完之後既聽感～～
公價$6399，出面賣街我估$59xx應該出到門口掛🤔

今次用呢幾首歌試：
中島美雪 - 系
ZARD - Best Request ~35th Anniversary~
打鼓山傳奇
矢野沙織 - The Golden Dawn
松谷卓 - Best Album (即係空間改造王ost)

試機繼續都係老笠返黎未還過既Lumin D-3，配金仔E-480加B&W 805D4（冇錢的我大家就將就吓啦😭😭😭），接Lumin前已經有部上年出既Lan iPurifier Pro做左一次光電轉換，但佢只限幫Player做轉換，今次既Omni Lan係nas又好、player又好、ps5都好乜都插曬落去隔一隔先。本身用iPurifier Pro已經有一定既提升，我以為已經過濾左大半既數碼味，點知nas由普通switch分離再接入Omni Lan之後，數碼個種硬聲好似消失曬咁，聲音變得實在清晰、聽到更多細節，特別是再聽到一D好細聲既樂器聲，變左個聆聽畫面再大左，完全又變左令一個世界……..
佢有四個高端接口，有三重隔離，我試過將player分別接普通接口同高端接口，兩個接口已經分得出隔離雜訊既級數。其中兩個係光纖接法我暫時用唔到，如果你既器材有SFP的話應該又會再唔好既層次～～

遺一要彈就係……咁貴六千幾買個switch但跟隻流到震既電子牛俾我，講真收得呢個價錢你跟隻好少少既牛俾我真係唔過份啦，有限錢姐～～
睇黎8月又要洗錢買隻牛俾佢😓😭
個人意見：家陣乜野器材都話要行network，基本上一隻switch看門口冇得走，六千個大洋抵俾，不過跟個隻牛篤眼篤鼻真心扣分🥲

呀呀呀！
佢後面留左一個接clock既插頭，如果大家有clock既可以試下，我就冇啦，我估ifi一年一件Lan產品應該出年都係出個鐘家啦，好期待☺️☺️☺️

#ifi
#九唔答八系列