大家比啲意見

jackybee

MDLP 發表於 2025-3-24 21:53
我個人一向對Tannoy喇叭不太感興趣，日本機裡Luxman也非我所好。大昌做金仔（Accuphase）同Tannoy代理咁 ...

其實你自己喜歡金仔無問題喎！你問我有冇試過夾其他器材去同f1比較,我好客觀話你知姐,同埋我覺得一部全面嘅擴音機吾應該話只可以配某一兩個牌子喇叭先好聲,其他就吾夾完全吾聽得,如果係咁呢個牌子嘅機好有問題,我用f1夾以上4對喇叭都好好聲,唯一輸俾金仔前後級嘅嘢就係人聲吾夠金仔甜美,但細節野贏哂,聽Allen walker 啲電子音樂,後面背景啲微動態細節金仔差吾多出吾到,聽blackpink背景揦埋一嚿,咁如果你剩係聽蔡琴鄧麗君咁金仔真係無敵啦,但吾好意思我心態好年輕,所以會接受新事物,同埋eso並非最好,TAD先係我覺得最勁嘅日系牌子,仲有呀如果我冇記錯日本係eso夾tannoy,所以夾金仔係錯配,只係以前大昌同時有金仔同tannoy,而金仔好賣eso好多,所以吾理夾得好吾好夾硬將金仔配tannoy

jackybee

MDLP 發表於 2025-3-24 21:43
咁可能師兄你真係同前後級冇緣份

你都幾得意！

jackybee

MDLP 發表於 2025-3-24 21:53
我個人一向對Tannoy喇叭不太感興趣，日本機裡Luxman也非我所好。大昌做金仔（Accuphase）同Tannoy代理咁 ...

咁即係金仔吾全面囉,咁多喇叭夾吾到,同埋講緊用過嘅器材,關咩性價比事？你都9吾搭8,要性價比吾好玩hi-fi啦買電腦喇叭咪得啦,性價比最高

jackybee

DavidLeung1@G 發表於 2025-3-24 17:58
我聽過TAD有喇叭, 唔知有機賣

有機會都想試下

去友誠有得試,但TAD前後級好似最入門嗰套都要$20萬

MDLP

jackybee 發表於 2025-3-24 22:28
咁即係金仔吾全面囉,咁多喇叭夾吾到,同埋講緊用過嘅器材,關咩性價比事？你都9吾搭8,要性價比吾好玩hi-fi ...

又分享多個例子，早年我啲朋友好多都用緊對4365！每個人用嘅機種都唔同，各有各嘅風格。因為佢有個15吋低音同4吋大號角，好多朋友都為咗推到佢盡，試過用MC2過千火後級、Passlab大火Class A，又有用埋麥景圖嘅前後級，或者唔同嘅膽機膽石混合。

當中有個朋友就用C2810配A65，聲色雖然接近，偏向有loudness冇dynamic。後來上面講嗰位朋友用大火Passlab，佢借咗部金仔合併E560（30瓦x2）嚟試。點知效果出奇地啱啱好，力度同動態非常到位。

咁樣推斷，唔通話E560會比同期嘅C2810+A65更加好？所以，啲聲效分別主要都係靠器材配搭出嚟嘅效果。

jackybee

其實口味嘅野就冇得好爭論,你鐘意金仔冇問題,我只係分享自己覺得esof1同金仔比較嘅聽感,你就講我咁啱用嘅喇叭品牌吾夾金仔,到我講幾個組合去夾4對喇叭嘅時侯,都係一部f1好聽,你就講嗰4對喇叭各有問題,所以同你講咩都係金仔係最好,又或者咁講,你剩係聽人聲金仔真係幾好,但吾好聽電子音樂同K-pop,吾係就真係死得,吾好再回我喇,同你傾冇結論

MDLP

唔覆你都要畀樓主知道，我上面曾經講過唔鍾意天朗同埋Luxman，但我都講過，其實呢兩個組合加埋都可以做到靚聲。再者，我自己聽好多80年代嘅音樂，當中好多野包括電子元素。如果用PMC Fact 8或天朗Sterling去判斷電子音樂嘅好聽標準，咁真係唔好意思。

講返論壇啲必勝回答方法，譬如問8吋subwoofer邊隻好，通常叫人買12吋就一定無錯；問12吋，最好建議15吋；而如果對方已經係用緊15吋，就可以叫佢買多一隻。至於樓主問緊七萬蚊嘅選擇，建議佢買15萬嘅嘢，咁通常一定唔會錯。

jackybee

你可以覆樓主,但吾駛再回我喇,因為冇結果嘅,同埋我冇建議樓主買15萬嘅機,我只係講出esof1好過好多15萬嘅價位嘅前後級同合併,你睇清楚先講,如果樓主買denon pma-3000呢個價位嘅全新合併,我建議佢去買eso f-03a二手,$25000之內有交易,一定好過pma-3000好多,吾再多講完

MDLP

樓主，可以細心留意下，其實喇叭決定咗聲音嘅最終形態，而擴音機主要提供穩定嘅輸出同信號支持。建議多花啲時間喺喇叭嘅選擇同擺位方面，因為你聽到嘅聲音其實係直接由喇叭發出嘅。

至於過往咁多屆香港高級音響展，大昌一般都係用天朗喇叭。以前佢哋推高唱天仙配時係用accuphase，但由於冇咗代理權，現時嘅主力品牌就轉咗做esoteric。至於聲音分別係咪大到令人驚嘆，就要睇每個人自己嘅感受啦。希望幫到你！

JohnChoy@G

jackybee 發表於 2025-3-24 22:24
其實你自己喜歡金仔無問題喎！你問我有冇試過夾其他器材去同f1比較,我好客觀話你知姐,同埋我覺得一部全面 ...

我既睇法同你差唔多,啲人鍾意金仔無問題, 佢比人既中頻厚暖的而且確係無咩機有,但佢無高音係事實,啲吉他尾音無曬,細節模糊
點解啲人鍾意金仔配B&W,一個無高音,一個高音爆炸,兩個加埋打個和
論日系機質素TAD>eso>luxman>accuphase

我玩luxman係因為性價比高