及時行樂：Perlisten S5C 中置喇叭開箱實測

thesun

其實我一直都係JBL fans，之前前中後天花喇叭5.1.2 (除左低音喇叭用SVS）都係JBL, 前中係Array 1000, Array 880, 用咗都差唔多8-9年，一直都相安無事，發揮得唔錯。直至最近上咗毒氣室聽Perlisten 呢個新貴喇叭牌子，就賴嘢。人一世物一世，心諗今次唔通要敗咗俾佢。返屋企同老虎商量咗一陣，佢居然冇反對（！！）。既然CFO 唔反對咁我就梗係想攻頂，目標明確, 前置Perlisten S7t, 中置S5c. 原來Perlisten 咁好賣，前置居然要等一個月。。。但係中置就可以ready, 咁就玩住中置先啦。

開箱Perlisten S5c的瞬間，理解何謂「精密聲學武器」。

S5c spec 鈹高音同DPC陣列號角：三枚鈹高音組成的DPC指向性控制陣列，透過波導器與相位錐同步優化，實現180°水平擴散與±80°垂直控制，皇帝位外仍有驚人結像精度。
碳纖維三明治中低音單體更徹底碾壓——播放《壯志凌雲：獨行俠》機庫對話時，Array 880的引擎殘響會輕微掩蓋人聲，S5C卻能分離出飛行員喉嚨顫動的細微沙啞聲。

實測《沙丘》香料收割機崩塌片段，Array 880的衝擊力雖猛，但印象中低頻層次較模糊；S5c藉THX Dominus認證的失真控制，呈現沙粒摩擦金屬的「觸覺型低頻」，每顆碎石墜落軌跡皆可辨識。

Array 880仍是號角派玩家的情懷首選，但Perlisten S5c以跨維度的聲像擴散、顯微鏡級解析力與低頻控制，重新定義「中置喇叭」在沉浸式音響中的戰略地位。若說Array 880是強力音效推進器，S5c便是能透視聲學分子結構的全息投影機。

對於我嚟講，家庭影院，喇叭外型唔使奇奇怪怪突出，最緊要襟睇。同埋科技野唔到你唔信。期待前置Perlisten S7t 快啲到手可以加埋S5c一齊玩！！

pac

恭喜。
聽過。
真係有料到，喇叭擴散性很強

xyzero

先恭喜樓主，但聽你講嘅內容，應該係未發揮倒隻JBL 嘅能力，並唔係隻 Penlisten 勁過佢，利申我唔係用 JBL，但Penlisten showroom 唔見得有幾強，可能啱師兄口味，規格 Penlisten 確係幾勁

thesun

xyzero 發表於 2025-3-15 12:59
先恭喜樓主，但聽你講嘅內容，應該係未發揮倒隻JBL 嘅能力，並唔係隻 Penlisten 勁過佢，利申我唔係用 JBL ...

JBL 880...我諗我辜負咗佢。佢真係比較大食，我又冇一個好嘅後級去招呼佢。不過880絕對係一個好嘅中置。

xyzero

thesun 發表於 2025-3-15 13:07
JBL 880...我諗我辜負咗佢。佢真係比較大食，我又冇一個好嘅後級去招呼佢。不過880絕對係一個好嘅中置。 ...

我諗你要先換咗部前級先，要發揮好隻喇叭並唔係一味推功率 ，前級係非常重要，加油

sanlamsan

xyzero 發表於 2025-3-15 13:15
我諗你要先換咗部前級先，要發揮好隻喇叭並唔係一味推功率 ，前級係非常重要，加油 ...

你又出嚟搞搞震毒害人！

xyzero

sanlamsan 發表於 2025-3-15 13:21
你又出嚟搞搞震毒害人！

我冇毒害人呀🤪，我10年都唔出 post，不過見倒樓主咁肯花錢，就講兩句

mark1

C兄，可以形容多少少 "Array 880的引擎殘響會輕微掩蓋人聲" 係點?
請問用咩PLAYER, 前級,后級, 設定 推倒E 個效果出黎?

(利申，用緊JBL ARRAY, 不過唔係880，想了解多D，睇下應唔應該跟C兄轉會)

matt88p

880 好難輸 Perlisten...... 😅😅

thesun

mark1 發表於 2025-3-15 13:30
C兄，可以形容多少少 "Array 880的引擎殘響會輕微掩蓋人聲" 係點?
請問用咩PLAYER, 前級,后級, 設定 推倒E  ...

有d 難。。聽感比較主觀。
我冇用後級，暫時都係用pioneer lx904 推😅