【會後討論】✨馬蘭士 Model 10 大三元💥發燒新指標體驗會

erinerin

✨馬蘭士 Model 10 大三元發燒新指標體驗會💥!!!!!
感謝大家嘅踴躍報名同支持，希望大家享受今次活動!!!!

講到馬蘭士，當然唔少得大家嘅老朋友 威廉 Sir 同大家介紹啦😎 今次主角 「10系大三元」係旗艦級嘅發燒系列，包括 Model 10 合併式擴音機、SACD 10 SACD 播放機 同 Link 10n 網路音訊串流播放器💥 再配搭 Bowers & Wilkins 同樣係旗艦級嘅800鑽石系列—— 805 D4 Signature 書架喇叭，成套器材組合可以講係「疊 BUFF」。作為一個「捉得到」嘅發燒器材，佢哋由其喺聲音動態嘅細節控制上都好有誠意，中音游刃有餘，低音亦有驚喜。

唔知各位師兄又覺得點呢?? 歡迎喺下面同大家分享吓🤭🤭🤭🤭

aj2008

我聽頭場坐尾排中間，有幾首歌印象比較深刻。聽Diana Krall live 時候聽到鋼琴及Double bass各一邊，Diana 人聲明顯在中央高位而聚焦，讚👍

Model 10 加 805 Signature 的動態表現合格，聽爆棚嘢竟然可以填滿這個幾百呎的show Room，有驚喜！

erinerin

俾多啲相大家

ccw0324

本人聽頭場後排位置，全套組合比我嘅聽感係背景好寧靜，音場好闊，音色好細緻高底頻尾音 餘韻好豐富，如果可播多啲歌仔就更加好啦！

小瑟

依家搭緊車返屋企，之後食嘢先晚晚睇大家留言！！😋😋😋

samsontatsuya

作為上代Marrantz SA10 同 PM10嘅玩家，我覺得佢今次嘅進步係好明顯，讓大家可以更加投入音樂入面，聽live音樂嘅時候特別有置身現場環境嘅感覺，唔係聽緊自己對喇叭發聲。

grd727

感謝Post 76舉辦今次Marantz活動，可以親身體驗三部旗艦級 擴音機、SACD機、網絡串流播放器，三部播放效果都吾錯，背景靜，聲音定位準，最估吾到部Link 10n 串流播放效果有驚喜，多謝威廉sir講解同選曲推介，最後問答環節有幸拎到CD禮品，感謝🙏🏻🙇🏻

nakatachik

首先感謝Post 76舉辦今次馬蘭士體驗活動，俾我親身感受三部旗艦級Model 10 大三元嘅威力，有良好的空氣感，聲音立體、有距離，甚至有方向性，足夠細緻同有力度，聽出來的聲音好自然、無壓力唔會捻住咁，爽快寬鬆但又有豐富的細節，令人越聽越想聽落去，帶咗你入去咁。另外都感謝威廉sir詳細講解同選曲，期待日後可以參加更多唔同品牌嘅體驗會，THANKS

samsontatsuya

返到屋企立即試聽返同一首歌，感覺像從天堂跌返落去人間😆
感謝76同Marantz，送咗隻咁正嘅碟，我發覺第二隻碟啲歌都好正👍

sherman

首先多謝Post 76 舉辦這次聆聽活動，我聽第二場 William Sir 首先拿起一隻我喜愛陳潔儀的CD，播放我最喜愛及熟悉的歌曲（心動） ，背景極度寧靜，開首之鋼琴聲質感極佳，歌聲與背後之樂器分離度有前後感，另外由粵語長片時代熟悉的小提琴純音樂好正！
希望以後示範會可以加長些時間，示範加上講解1小時實在太短！