人生第一次被大陸海關帶入去小黑屋...

f31

噚日北上如常過香港 / 福田海關，過晒兩邊機行緊出去時突然比福田海關截停...

海關: 「你過來一下，出示證件」

我以為只係一般 stop & check, 加上我行得正企得正咪比張回鄉卡佢睇, 佢睇一睇我證件指住我隻錶「這是 XX 錶嗎?」

我答佢「是的」然後就比佢帶咗入小黑屋...

入去後佢叫我除咗隻錶放喺枱面，然後有一個貌似高級啲嘅行咗過嚟拎起隻錶望「這是 XX 錶嗎? 價值多少?」

我如實告之，然後佢就問「為什麼戴這麼貴的錶過來?」

呢一刻真係黑人問號，我心諗乜有規定唔可以戴高價錶北上架咩?

我管佢「這塊錶有很貴嗎? 一般吧，我剛坐東鐵過來看到很多勞力士...」

海關「你這支是新錶吧，我們懷疑你帶過來賣...」

首先多謝佢哋識得欣賞我隻錶，亦知我保養得好好，歷久常新；但其實隻錶係 2021 年買，而且有花崩，我亦即時話咗比佢哋知，同埋指出隻錶花崩嘅位置；佢哋亦好認真地睇我隻錶但仍然堅持佢係一隻新錶「你這支是新錶，要申報及打 50% 稅...」到呢個位我終於知道佢哋想點...

佢問我有冇證明隻錶係 2021 年買，我心諗邊個戴隻錶出街會袋住張單，咁咪轆手機睇吓有冇 record 囉，當係係冇!

我即刻喺相薄 search "Watch"，啲 J 錶相出晒嚟，包括買錶當日影果啲；再上返 XX 錶個 Website Login 返我個 account，上邊有晒我買過嘅錶、購買日期、序號...

佢喺度轆我啲相時問「為什麼這麼多 XX 錶? 都是你的嗎?」

我真係笑咗出聲答佢「這些都是我的，喜歡就買，現在這支已經是裡邊最便宜的一支，我沒有常戴，都是過來深圳才粗戴...」

佢見問無可問，揚一揚手叫我走，我晦氣地追問高級啲果位「所以現在是規定不可以戴這些手錶過來嗎?」

佢沉默咗一刻答我「要申報...」

我真係孤陋寡聞，乜自用戴錶北上要申報架咩？各位戴高價錶北上嘅 C 兄真係要小心，一個唔小心隨時跌錢...

DavidLeung1@G

自用都要申報... 長知識...

manbill

仲話係文明囉得啖笑

f31

DavidLeung1@G 發表於 2025-2-24 14:10
自用都要申報... 長知識...

咪係囉，你話我身上邊有兩隻錶，咁你懷疑我走私我都覺得合理；但明明就就得一隻錶戴住喺手都比佢哋搞，成件事真係好 funny...

manbill

係咁㗎啦見人戴得好嘅自己冇嘅咪眼紅囉上面啲人係咁㗎喇 成日人畀人畀死人 你咪睇下囉佢哋鋪啲嘢出嚟炫富 以前講得緊要呀嘛 我哋香港人 見慣啦係咪

NM0101

對住歪理, 行得正企得正係冇用的

DavidLeung1@G

f31 發表於 2025-2-24 15:11
咪係囉，你話我身上邊有兩隻錶，咁你懷疑我走私我都覺得合理；但明明就就得一隻錶戴住喺手都比佢哋搞，成 ...

講到後段, 佢地應該知係自己估錯, 但佢地要面子, 唔肯認錯, 所以呢隻死貓你點都係要食

f31

DavidLeung1@G 發表於 2025-2-25 11:34
講到後段, 佢地應該知係自己估錯, 但佢地要面子, 唔肯認錯, 所以呢隻死貓你點都係要食 ...

問返熟內地海關啲朋友，佢哋話原來以下物品真係要申報 (以前係紙本回鄉證都要填):

• 現金人民幣 20,000 以上
• 自境外帶入單件計人民幣 5,000 以上自用物品
• 自境外帶入單件計人民幣 5,000 以上電子產品
  

所以照規定我真係要申報有關物品，駛唔駛打稅就由佢哋決定件物品係唔係新品...

但又咁講，如果照正計，我估 9 成以上北上港人都要申報，帶個好啲嘅銀包都過 5 千啦，仲未計你帶部 iPhone 上去...

qoakzm

總之法例就一直都有, 以前帶部WALKMAN都要申報呀, 平時唔做教育宣傳, 又唔嚴正執法等啲人以為可以咁做, 唔洗申報, 到佢想收緊果時, 你地咪落坑囉

阿定

f31 發表於 2025-2-25 13:46
問返熟內地海關啲朋友，佢哋話原來以下物品真係要申報 (以前係紙本回鄉證都要填):

現金人民幣 20,000 ...

其實一直都要申報，不過對上廿年，大家都慣了自用就咩都得而已，記得細細個讀書時，帶部Game & Watch遊戲機，帶相機，都要申報，寫了上去，就唔會有問題，無寫上去，佢地點玩都得，不過你寫了上去，到走時又有權叫你Show番件野，否則又可以收你稅，所以條例除非有改，否則幾十年前已經有，聽講你帶電子產品，原盒上抽查到，一定死。