入手咗panasonic 入門藍光機 🤣🤣

KeithChan1@FB

用咗超過15年嘅panasonic dmp bd-60 藍光機終於要退役了😅😪 近兩日想睇碟嘅時候， 發覺部機load 唔到。所以， 即刻上網search 下現時有啲什麼新嘅藍光機選擇。
去咗panashop， 見到pansasonic 有UB150、UB450、BD84。 UB150同UB450 兩部機嘅性能基本上都差唔多，都係4K。唯一分別UB450就有dolby vision， 另外一部就冇。 而兩部機嘅價錢大概都係2000元以下，非常抵玩👍。
細心考慮之下， 呢兩部機我最終都冇揀到。 可能你哋會覺得我戇居 😅 但最主要嘅原因就係 根據返我自己日常使用嘅習慣，都好少專登去買4k blu ray碟去睇， 加上而家唔係套套電影都一定會出4k，但係最基本都一定會有1080p 藍光， 所以最終都係揀咗BD84 入門機， 最高輸出1080p ， 同埋一樣都有dolby true HD output 。 我不是超級發燒友😅😅😅

拆盒之後， 部機非常輕巧， 同埋都幾迷你， 比起之前嗰部bd 60， 細部咗好多， 非常容易擺位。  咁啱又係做緊新春特價，600元有找😁😁😁。 開咗套戲嚟睇，出嚟嘅效果都幾滿意，黑白顏色都好分明。

rach

同你情况差唔多, 前排發現部Oppo 203讀碟開始有d小問題, 但儲落唔少BD/4k BD, 驚遲d無机睇, 啦啦林入返部P記睇門口😉

KeithChan1@FB

rach 發表於 2025-2-4 00:00
同你情况差唔多, 前排發現部Oppo 203讀碟開始有d小問題, 但儲落唔少BD/4k BD, 驚遲d無机睇, 啦啦林入返部P ...

入左邊部p 記？

rach

KeithChan1@FB 發表於 2025-2-4 07:18
入左邊部p 記？

UB9000

KeithChan1@FB

rach 發表於 2025-2-4 07:30
UB9000

貴野，同我個部差好遠😅

cakecake

其實師兄你都唔係唔發燒la, 成日做audyssey 睇圖, 我自己用MultiEQ X都唔會成日做
其實我唔理解, 現在入一部非4K player. 師兄你都用4K 65寸電視, 用一部最高輸出得1080p既 player 放65寸4K 你都覺Ok? Panasonic 4K player最出名其實唔係聲, 係畫面處理能力, 就算係UB450, 佢播1080p Bluray upscale 上4K 都可以好靚, 我敢講就算我用部Magnetar UDP800, 以upscale能力都唔及 Pana UB450.
同埋你amp有Dolby Atmos 又有dts X解碼, 你買部player反而完全唔support, 玩AV換器材唔係追新格式反而追舊格式？
如果有套戲or 演唱會係你既至愛, 同一時間出4K UHD 和 1080p Bluray, 咁你米要放棄4K買1080p Bluray去就返你部機?

數碼時代玩AV我認同器材唔一定要件件精品, 特別係線材, 但器材至少都盡量追貼現有格式吧....
追舊格式, 我諗得兩聲道先係咁

(利申：前Pana UB450 & UB9000, Sony X800M2用家, 現用Magnetar UDP800)

KeithChan1@FB

cakecake 發表於 2025-2-4 13:29
其實師兄你都唔係唔發燒la, 成日做audyssey 睇圖, 我自己用MultiEQ X都唔會成日做
其實我唔理解, 現在入一 ...

我呢部入門藍光機， 有齊dolby true HD同埋dts:x解碼，加上可以bitstream 既關係， 睇碟嘅時候一樣可以照出到dolby atmos。 睇碟嘅時候 ， 我用部avm解碼 ，所以聲效方面一樣都可以照支援到。 只係畫面上 最高支援1080p 。
個人不太喜歡up scale ， 自己本身鍾意原汁原味， 用avm解碼直出1080p ，不做upscale， 同埋加上我少買4k碟， 大部分我嘅碟都係blu ray 1080p， 所以最終選擇呢一部。
我都有諗過如果我入手UB450， 平時都好少買4k碟，個人覺得就會嘥咗部機。😅😅
各有所好

gamma

近一兩年去戲院睇戲，覺得畫質唔夠我屋企電視靚，但係聲效呢, 家庭影院就做唔到戲院嘅效果

wahw

我都有部PAN記藍光機,樣同功能同樓主差唔多, 記億中係2016年買, 早前著下佢仍然行得走得, 讀碟暢順.
我同期有部PIONEER 碟機已經陣亡, PAN記係有D料到.

KeithChan1@FB

gamma 發表於 2025-2-5 10:00
近一兩年去戲院睇戲，覺得畫質唔夠我屋企電視靚，但係聲效呢, 家庭影院就做唔到戲院嘅效果 ...

Yes 通常戲院嘅畫質一般都好少會係4k . 畫質冇咁清， 升學方面 戲院通常用大喇叭同埋空間咁大可以擺咁多喇叭所以聲效上一定震撼好多。 屋企冇話唔得，但係始終屋企有空間限制🤣， 始終都會有分別