Naim CDX2 放碟後讀唔到碟出現error🥺

heven

問過以前代理，佢哋話冇晒零件(諗住搏一搏，因為以前威達啲師傅手勢好好多)，叫我問返新代理(先聲音響)，我上過去新代理嘅網頁睇過，佢代理嘅品牌繁多，不過Naim啲嘢就寥寥可數😅，唔知有冇其他師兄唔好彩有啲Naim機壞咗，曾否拎過上新代理維修或檢查，效果如何，我擔心佢哋都係外判做維修！小弟曾經爬文睇過以前有啲舊Naim機要Recap，都直接send返過去英國原廠，我都有打算將我部CDX2 send返過去英國原廠維修(我仍然保存所有原裝packing😅)，不過唔知佢哋仲有冇相關嘅零件及會唔會受理？因為香港都有代理公司。

malikysl

師兄, 都係係擔心緊同樣既問題，我都驚部NAIM CD 壞左冇得整，搞到冇左成套西裝。

heven

malikysl 發表於 2025-1-20 13:55
師兄, 都係係擔心緊同樣既問題，我都驚部NAIM CD 壞左冇得整，搞到冇左成套西裝。
...

我部CDX2長期好少擺CD入去playback，通常買新碟返來跟手用uniti-core 儲咗file，跟住用Naim ndac解碼直出去202，所以大大話話都有好幾年都冇直接郁過個CD盤，如果你常常都係playback CD，應該問題不大！人都懶嘅，始終都係play file就方便過play碟，我早兩年先至買咗XPS DR，如果佢有乜冬瓜豆腐，真係頭痕啦！到時都唔知拎去邊度整呀，唯有寄返過英國，如果可以受理的話😅

LOENDFANS

malikysl 發表於 2025-1-20 13:55
師兄, 都係係擔心緊同樣既問題，我都驚部NAIM CD 壞左冇得整，搞到冇左成套西裝。
...

索性換埋部amp直接全套升級咪得.....

malikysl

LOENDFANS 發表於 2025-1-21 09:40
索性換埋部amp直接全套升級咪得.....

NAIM 太多專用線，轉會損失好大。

malikysl

heven 發表於 2025-1-20 22:56
我部CDX2長期好少擺CD入去playback，通常買新碟返來跟手用uniti-core 儲咗file，跟住用Naim ndac解碼直出 ...

我下個星期過英國，順便睇睇

heven

malikysl 發表於 2025-1-21 10:29
我下個星期過英國，順便睇睇

靜候佳音👍👍👏🏻👏🏻🙏🏻🙏🏻

malikysl

heven 發表於 2025-1-23 02:08
靜候佳音👍👍👏🏻👏🏻🙏🏻🙏🏻

今次去英國，見NAIM 都冇放CD 機，連CD 鋪/LP 鋪都唔多見有,唉。

我問NAIM SHOWROOM 佢地話HIGH END CD 要CHECK STOCK CHECK PARTS, 我估維修都難了。
話最好搵當地代理維修.....

heven

malikysl 發表於 2025-2-17 17:09
今次去英國，見NAIM 都冇放CD 機，連CD 鋪/LP 鋪都唔多見有,唉。

我問NAIM SHOWROOM 佢地話HIGH END CD  ...

多謝師兄回覆，我曾經致電新代理詢問相關維修事宜，對方態度非常有禮誠懇👍，但奈何在傾談中佢對Naim嘅周邊產品不太熟悉(可能佢哋公司代理嘅音響產品繁多)😅，同時亦都提議如果機齡較耐，索性換機較為妥當，我心諗我都知，成套西裝，一要郁就好大件事！價錢方面都非常合理相宜，最搞嘢嘅就係我話有我部CDX2如果攞去維修，CD嗰個震子又要叫我提供，甚至乎連個Remote都要俾埋佢🤭，咁我心諗你做代理呢啲基本嘢冇理由都冇㗎，最後最搞嘢嘅就係，我有個full packing嘅原廠紙箱連機pack好攞埋嚟可以嗎？佢話最好個紙箱唔好太大啦，如果係太大嘅你攞返走㗎，我即時心諗O嘴，原裝個紙箱有幾大，你哋都唔知⋯⋯⋯⋯

malikysl

heven 發表於 2025-2-18 16:19
多謝師兄回覆，我曾經致電新代理詢問相關維修事宜，對方態度非常有禮誠懇👍，但奈何在傾談中佢對Naim嘅周 ...

連REMOTE 都冇就離譜D，
原裝紙箱好多間維修行都唔會係維修時幫你寄存，因為我都試過。

NAIM 似放棄左CD 市場，做串流。
不過我哋有咁多CD，又有不同版本，唔同掉哂佢變串流咩。