任天堂正式公開Switch 2，畫面更大，手掣更大，兼容Switch遊戲

阿定

任天堂官方終於要自爆啦，Switch 2 今次真係要來了，今日終於發佈了首支宣傳片，機身變大了，手掣變大了，瑪利歐賽車預計係首發遊戲，但其他詳情都仲要等4月2號的直面會。



從上面影片可以見到，主機機身同埋手掣都增大了，以現時流出的資訊估計，好大機會係 8" 螢幕。



新JoyCon更加大隻，L及R鍵亦增大了好多，連接方法改用磁吸式，Home鍵下面多了一個掣，現時未知有咩用。



另外新的 Joy Con Grip應該都係磁吸設計，有傳可以當滑鼠用，但都要等4月正式公佈先知。



機後支架改變了設計，同現時OLED型分別唔算好大，都係主打多角度支架



同時上方增加多了一個應該係Type C的接口



現時宣傳片展示的係瑪利歐賽車，如果以超任開始計，每部主機都會有一隻瑪利歐賽車遊戲的話，(注: 現時Switch玩的第八代其實係WiiU版的加強) ，Switch 2 首發都好正路，遊戲畫面睇落有機會可以24人連線對打。



新的底座設計同之前睇落分別不大



官方之前都講過新機會支援現時的Switch遊戲，不過亦有特別標明唔係全部遊戲100%玩得返，估計有少部份要用到 Joy Con 獨特功能的會玩唔到吧。