如果大家依家換門鎖, 會選電子的定舊式的!?

小瑟

屋企門鎖13年, 開始轉唔得順, 想換鎖, 依家大家會考慮"電子"的定"舊式"的!?

pac

電子鎖會方便啲。
有時兩隻手都攞住野都可以人面識別開鎖，又可以帶少條鎖匙

marco

我比較傳統，仲未接受到電子鎖睇下住緊既地方保安如何囉，看更都無既就

小瑟

pac 發表於 2024-12-25 10:30
電子鎖會方便啲。
有時兩隻手都攞住野都可以人面識別開鎖，又可以帶少條鎖匙 ...

電子鎖會用指紋，拍卡，定係再先進啲的？

小瑟

marco 發表於 2024-12-25 10:37
我比較傳統，仲未接受到電子鎖睇下住緊既地方保安如何囉，看更都無既就 ...

我都係同你一樣有呢個擔心！！

EzraMiller

小瑟 發表於 2024-12-25 11:27
電子鎖會用指紋，拍卡，定係再先進啲的？

會有好多解鎖方式,同埋都會有埋實體鎖,依家換就當然換電子鎖好啦

你個鎖轉得唔順有冇用W40噴一噴?

EzraMiller

小瑟 發表於 2024-12-25 11:27
我都係同你一樣有呢個擔心！！

你住果處治安好差嘅咩?

rl0497

小瑟 發表於 2024-12-25 11:27
電子鎖會用指紋，拍卡，定係再先進啲的？

其實有啲款可以裝電話app開到門，另外又可以唔開app，純detect你位置就自動開門。亦有人面識別款。

電子鎖有其好處，真係方便，基本上唔使帶鎖匙嘅，大前提係佢冇壞。

如果壞嘅話，小問題，就好似我第一把鎖，會無啦啦響警鐘，深夜佢突然會叫，要摵走啲電等佢收聲。大則就好似我對上一把，佢一係鎖唔到，一係開唔到，結果我到換新鎖前都係喺冇鎖門嘅狀態下過咗成個禮拜，師傅嚟睇都話換底板二千，唔知又捱到幾年又嚟過，不如換過把新嘅好過，結果我都換咗另一把電子鎖嘅。我住哩度七年用咗第三把喇，或者我唔好彩，同牌子唔同型號嘅我朋友用緊，都係用咗七年冇事冇幹，唔好問我點解咁雞，我覺得有時電子嘢都冇得講嘅。

其實你要考慮嘅係，最好揀一款如果電子嗰部份壞咗，仍然可以喺屋內開到又鎖到嘅款式，一般都係有手柄嗰啲款，係冇咁靚，但係相對安全。另外你要諗多一樣嘢，用電子鎖某程度係一樣返唔到轉頭嘅嘢，一來你會習慣咗佢嘅方便，二來，你度門嘅窿係會開大咗，日後換鎖基本上只可以繼續換電子鎖，走唔返轉頭換返普通鎖㗎喇，除非換過成度門，可以話係走上不歸路㗎。另外安全計，我有一把後備鎖匙放咗喺信箱（用個小夾萬入住嘅），因為佢係最終極開鎖嘅方法嚟，你可以參考一下。

marco

小瑟 發表於 2024-12-25 11:27
我都係同你一樣有呢個擔心！！

咁就keep住用舊式鎖囉話時話咩原因諗換鎖既唔通準備新居伙？

haha161

家住三無大廈，

已經用電子鎖兩年，無出過大問題，

中楷型號可以用卡，指紋，密碼 解鎖，

有電話 app, 可以派臨時密碼，app 有即時更新訊息睇到用邊種方法解鎖開門，鎖門，

屋內開門可以用紅外線感應，或者 扭制機械解鎖開門



大門有兩個攝錄門鐘




高楷型號可以 faceid, 手機藍牙 解鎖

d smart lock 已經好成熟，

要強行爆門都唔係咁易，