走訪《二樓後座》

245141525

《二樓後座》
係旺角洗衣街一個唐樓單位。
係 BEYOND 嘅發源地。
係三子 BEYOND 剛剛獨立發展嘅第一張專輯名。
係孕育無數經典歌曲嘅地方。
係愛、係快樂、係理想、係堅持嘅代表。
係幾代人嘅青春回憶。
《二樓後座》
即將成為歷史。



《二樓後座》，本身未去過，最多喺樓下路過，而家拆卸重建在即，見有團體（紙談音樂）舉辦導賞團，仲有嘉賓場由 Jimmy (老占)帶隊，作為鐵粉，似乎搵唔到藉口唔去一去。

因為會帶埋屋企人去，揀咗一個週末下午嘅兩點團，同團一行八人，其中都有內地嘅朋友特地而嚟，由工作人員點名後，就帶領大家上樓進入《二樓後座》。


洗衣街 215 號入口。


大門信箱，已經換咗新式。


《二樓後座》大門。


進入錄音室嘅地毯。


大門背面。


擺放好多珍藏嘅儲物櫃。


大廳一角。


大廳一角。


大廳一角。


大廳一角。


大廳一角。


擺放好多珍藏嘅儲物櫃。


擺放好多珍藏嘅儲物櫃。




(左) Jimmy (老占)，(戴帽者) Jesper (紙談音樂)


Jimmy (老占) 講解非常投入，手舞足蹈。

一入門口就係小小嘅大廳，負責主持嘅有Jesper (紙談音樂)，同嘉賓 Jimmy (老占)。
《二樓後座》經歷咗三個時期，介紹由大廳部分開始，到中間部分嘅錄音室，到最尾部分嘅 band 房，講解《二樓後座》演變嘅過程，由第一代到現時嘅第三代，全部都有以往嘅舊照片同片段比對，細細指出分別所在，部分片段更加有世榮特地錄製嘅語音加持，新舊對照下，置身其中，再加上周遭嘅物件，更加感受到當時嘅畫面，能夠噉樣踏足聖地，感覺的確夢幻。


進入錄音室嘅大門。


錄音室一角。


錄音室一角。


錄音室一角。


錄音室一角。
(左) 掛住咗我最最最鍾意嘅一張海報：超越。
(右) 掛住一把 BEYOND 成員都用過嘅結他。
註：上面寫有亞 Paul 定落嘅價錢，有興趣可以買。(承惠：$900,000)


可以隨便攞上手打卡。


可以隨便攞上手打卡。


錄音室望入 band 房嘅角度。


band 房外走廊一角。


band 房大門。


band 房望向錄音室角度。

同場加映特別嘉賓：孫偉明老師
孫老師係著名鍵琴手，曾經參與《舊日的足跡》鋼琴錄音部分。
兩位特別嘉賓好早期已經同 BEYOND 合作，對 BEYOND 嘅熟悉程度唔需要懷疑，佢哋除咗更深入分享《二樓後座》昔日嘅故事之外，嘉賓場仲又一個好處，就係可以同佢哋一齊 jam 歌，雖然我唔識樂器，但同團團友不乏樂手， jam 歌環節就交畀佢哋負責，作為觀眾，可以近距離感受老占同孫老師大顯身手之餘，一班 BEYOND 粉一齊大唱 BEYOND 嘅歌，最重要係喺《二樓後座》入面，都咪話唔感動。


Jimmy (老占) 大顯身手。


Jimmy (老占) 大顯身手。


孫偉明老師大顯身手。


Jimmy (老占) 同大家一齊 jam 歌。


Beyond The Story Live 2005 演出套鼓，原裝一套喺返度。


可以坐埋去打埋一份。

之後就到自由參觀時間，大家除咗到處打卡之外，唔少得係爭相模仿錄音嘅情景、感受夾 band 嘅興奮、享受打躉嘅快樂。


(左) 孫偉明老師，(右) Jimmy (老占)


唔少得大合照。

短短 75 分鐘，所有嘢都好隨意，你可以彈嗰度嘅結他、打嗰度套鼓、坐埋 panel 扮錄音、自由探索每一個角落，工作人員有問必答、有講有笑。

《二樓後座》地方唔大，經過改造後五臟俱全，絕對係一個專業嘅錄音室，製作過唔少經典作品，到處擺放住唔少珍貴嘅物品、經典嘅海報，親眼見到 MV 上、訪問上、昔日片段上嘅每一個角落，而知道呢個地方即將消失，有啲說不出嘅感覺。

BEYOND 嘅歌，由細聽到大、聽到老，對個人嚟講，影響深遠，而《二樓後座》，係孕育 BEYOND 嘅地方，更加係樂迷嘅聖地，冇《二樓後座》，可能就冇 BEYOND。
BEYOND 嘅精神會永遠留存，《二樓後座》嘅意義會永遠喺大家心中。
多謝您，《二樓後座》！

p.s.：導賞團暫時仲有開團中，建議有興趣嘅朋友把握機會參與，因為完成咗重建嘅賠償程序之後就唔可以再對外開放 (希望資料冇錯)。

小瑟

WTF, 竟然有D咁好既野發生左, 可以有個TOUR都真係好難得喎!!!!

feverheadfi

好正，多謝祺哥分享