Post76 22周年的台慶版聚!!! (精華片+會後哂命帖)

GARYKWONG@G

滿載而歸 恭喜大家🙏

GARYKWONG@G

C-3PO 發表於 2024-12-3 00:05
終於將隻怪獸送到屋企！成件事好夢幻，從未諗過會中大獎，多謝大家 🙇🏾‍♂️
祝 Post76 22週年快樂，越做 ...

恭喜🎊🎉🎊恭喜

Gasyapon

臨近尾聲，見同檯自己朋友中咗頭十大獎已經好開心同佢傾⋯未有為意自己都幸運中獎。所以依份喜悅同刺激真係好特別，祝願往後Post76有更多新會員加入和其他會員一齊响討論區同版聚上感受到不同的喜悅及快樂！令更多人認識Post76和各位努力建立發展至今天22年的Post76上上下下的工作人員們，說真的在香港小小的地方能夠發展至22年依然能夠有一班忠實會員的同時又能夠見到76依個天地不斷成長同改進和新會加入實在不容易！加油！

P.S 生日快樂Post76！

heerocolour

又一年了……..
每年最期待得兩個日子，一個係8月影音展，令一個就一定係post76週年飯局🤣🤣🤣
小弟出曬名係post76麻煩友、影音討論版界死小孩，每次都要串柒柒咁講野，又要投訴下呢樣個樣～～🤣🤣🤣
上年中過獎已經好開心，今年其實都冇乜所謂，都係想出席下食個飯開心下，當小瑟抽中個名話‘名就係我手上，呢條友剛剛都仲要串完我黎😂’，我就知道‘唔係麻🥲，我都好突然心都離一離😂🥲～～

今年又中台獎又中23分大獎之一，全都要多謝我個台既師兄運氣帶俾我既運氣！
多謝小瑟、我謝post76既兄弟姐妹、多謝所有師兄！
祝post76生日快樂！長玩長有去到下一個22年！
出年再玩過～～～～～👍

oops

Enjoy!

teddyng637

[今年台慶都玩得好開心，至於禮物方面唔係話好貴重。自助參與！！希望 Post 76業務蒸蒸日上丶越做越大！！/color]

阿定

昨晚返到去已經夜，所以戰利品的相要後補，身在Post76呢個大家庭真係好開心，係入口同大家登記，抽CD時，好多版友都仍然帶著剛剛收工的疲累，不過未開始食野前，大家已經好快入晒局，歡樂的氣氛全場都感受得到。  

台慶版聚已經參加了好多年，昨晚同大家吹水時，好多都話一年見大家一次已經成為一種習慣，希望日後Post76轉用新版界面後，加上手機App的幫助，可以Keep住個勢，獎品越來越多，版聚多人到要去會展搞，Yeah.....

最後再一次感謝各代理送出的禮物，全靠佢地的支持，我呢個無抽獎運的人由每年都只係帶隻CD返屋企，到宜家可以抽完CD，再中手錶，最後成功殺入終極抽獎，可以享受重到唔知點搬禮物返屋企的幸福。

最後，希望各版友體諒現場環境總有做得唔夠好的情況，例如酒樓伙記無晒影，臨近開席前的入座情況有少少混亂，不過我相信大家都係盡興而歸的。

記得Like & Share我地 Game76 Facebook   呀！

ps2r33

走過22年 一切來得不易 希望Post76 繼往開來 長做長有

好高興參加佐22周年台慶版聚 有好野食 又可同Post76網友交流交流 重有大抽獎tim 盡興而歸

幸運地今次抽倒期待已久嘅頭戴式耳機及靚靚無線耳機 非常實用 多謝Post76小瑟及勞苦功高嘅工作人員 多謝各代理贊助的禮物

Terryching

今年台慶玩得好開心，一入門口就有CD抽，跟住鬥快打電話嘅環節，我嗰枱嘅師兄又勁快接通電話，又再攞獎👍🏼 用餐不久又再得獎，係HDMI 0.5 M cable， 心想可以點樣加入到家中嘅音響組合時，同枱師兄二話不說，不如以物換物，以SACD 以作交換🤩 咁就變咗雙贏了😙
喜悅嘅心情仲未平復，原來還有23份大獎，真係高潮一浪接一浪，小瑟再次進行抽獎，真係感恩，我又可上台攞獎，今次係 Power cord ⚡️真係超開心，滿載而歸，而同台師兄們都好健談，咁多豐富嘅獎品，真係要多謝代理們送出嘅禮物🎁，最後梗係要多謝Post76 團隊，搞一個function絕對唔容易，更何況台慶 10圍枱，真係勞心勞力🙏🏻
祝Post76 有更多個精彩嘅22年😆

heerocolour

Terryching 發表於 2024-12-3 13:11
今年台慶玩得好開心，一入門口就有CD抽，跟住鬥快打電話嘅環節，我嗰枱嘅師兄又勁快接通電話，又再攞獎👍🏼 ...

你條0.5米呢？🤣🤣🤣🤣