邪Mall

lamwaikit007

初認識 Collar時，眾成員中，我覺得Candy 是比較靚的一個 。所以，見到她的第一套電影 “邪Mall”今天上畫，所以都即刻捧場。

但看見電影中的Candy面頰胖了一點。😂😂但我都滿足了，夠多近鏡。

邪Mall 故事普通，但節奏控制得幾適宜，不算沉悶。

喪屍（殭屍？）個造形有點核突。最令我作嘔，當然又是那些屎尿場面 和一幕炒緊麵時，係咁滴血落D 炒麵度，有點想嘔。

總結來說，剔除我喜歡 Candy的元素，我會推介給喜歡看此類片種的朋友。其實，此類電影往往都係想輕輕提醒觀眾，你是否心存怨念？

小瑟

我都有影評!!

利申一下，小瑟都係半個Collar fans，而睇呢套戲除咗係有首映邀請之外，其實去睇Candy都係其中一個原因。

套戲本身格局非常細，一個商場，幾位演員，特技化妝，玩埋茅山道士加喪屍元素（其實唔完全係喪屍）。成個配套係得咁多。所以劇情除咗係睇特技化妝之外，其實就係睇幾位演員嘅個人表演。三位主角包括姜浩文（黑仔）、Candy@Collar（王家晴）、楊偉倫（阿卵）。短短一個半小時的片長時間，其實要交代好深刻有啲難度，好彩導演都恰如其分地將大家要知道嘅東西都交代咗，尤其係眾人的關係。

其實黑仔嘅演技唔使多講，不過就冇乜突破，都係做返黑仔咁，正常發揮。而好彩有阿卵嘅化學作用，令到部戲可以有啲當年「生化壽屍」嗰種少少驚、少少笑嘅效果。而最驚喜嘅就真係Candy，佢本身做戲唔算多，但係喺呢度表現上都算做得好自然，所有嘅表情交代都係令到觀眾可以投入電影之內嘅。起碼唔會見到佢就感覺到佢係Collar嘅Candy先啦。其實咁樣已經唔錯啦！

另外，其他演員其實都非常到位，佢哋都好辛苦，花咗好多時間去做呢一個特技化妝去配合返劇情。小瑟都覺得值得嘉許佢哋一下！

呢套港產片如果講睇早場價(60-80蚊)可以入去一試嘅港產電影，但係大家千祈唔好期待太高。始終我哋咁多年畀西片嘅製作縱壞咗，所以心態上大家要調節返，當呢套係一套地道港產片，相信感覺會好好多。起碼唔會想訓同睇錶~!!!

完!!! (10個滿分)

邪Mall
Possession Street
基本資料

• 導演：黎震龍
• 監製：丁雲山
• 動作指導：黃偉亮
• 主演：姜皓文、王家晴、楊偉倫
• 配樂：Dave Klotz
• 攝影：張大偉
• 剪接：梁展綸
• 製片商：美亞娛樂
• 片長：98分鐘
• 產地：香港
• 語言：粵語
  

上映及發行

• 上映日期：2024年10月31日（香港、澳門）
• 發行商：美亞娛樂
  

lamwaikit007

小瑟 發表於 2024-11-1 16:06
我都有影評!!

利申一下，小瑟都係半個Collar fans，而睇呢套戲除咗係有首映邀請之外，其實去睇 ...

支持下啦！💪💪💪💪

Kin導

我第一日都去咗捧場

ChristineAu

正😍