可愛即正義 - PS5 老少咸宜之作《宇宙機器人》(Astro Bot) 簡評

阿定

由 Team Asobi 工作室開發的《宇宙機器人》(Astro Bot) 剛於上星期9月6日全球發售，大家有玩過 PlayStation 5 首發時跟機的免費遊戲《Astro's Playroom》嗎？ 遊戲完美利用DualSense無線控制器全部功能，加上針對 PlayStation 25周年的彩蛋，事隔差不多四年，終於推出續作了，今次續集由免費變成付費，究竟值唔值得大家比錢購買呢，就等小編為大家介紹一下吧！



今集遊戲同樣採用 第三身3D動作遊戲 玩法，主角「ASTRO」乘坐Dual Speeder (手掣型飛船) 於宇宙四出尋找失散的船員，同時亦要攻破唔同主題，唔同玩法的關卡，每個星系都有自己的BOSS戰，期間亦有好多收集要素，可以話係非常豐富。



整個遊戲都要配合DualSense控制器來玩，大量場景都會用到觸覺回饋同埋自適應扳機的功能，由坐飛船左穿右插，拉弓射箭，上天下海，手掣都會有唔同的震法同手感，說句老實話，至今仍然未有PS5遊戲用到個手掣的功能用到咁盡。



每個關卡都要努力搵船員出來救，全程都要鬥智鬥力，不過遊戲除了BOSS關卡同特別關卡外唔算太難，加上經常會自動存檔，萬一失手死後，亦可無限復活，所以遊戲難度唔算好高，但仍能保持足夠的挑戰性。









遊戲有15種以上的附加能力比玩家完成任務，唔同能力有唔同玩法，亦會引伸唔同的解迷方法，所以80多個關卡都唔會有重複感，加上70多種新型敵人，新鮮感可以由頭Keep到尾。





除了收集船員，地圖仲有大量隱藏打卡位比你去影相留念，要搵晒全部出來一點都不容易。



如果打完一個關卡，發覺未找得齊船員或拼圖，當再次進入關卡時會有得揀用200金幣尋求協助，對於唔夠船員解鎖下一個關卡非常有幫助。





同時金幣亦同上集一樣，會用來去玩扭蛋機，可以扭到唔同船員場景，飛船噴油，主角服裝等等，整個收集要素多到有排玩。





BOSS戰後的關卡，亦係唔同PS遊戲的彩蛋大集合關卡，四圍都係經典遊戲的彩蛋。





成功救出VIP機器人後，可返回大本營同VIP機器人作出不同互動，呢度就唔多講，留比大家發掘，不過PS資深玩家一定會玩到感動流淚就是了，係回憶呀！

總結

遊戲個人覺得有9.5分的，因為各方面都做得好到位，講畫面，4K60再加上好多場境都有HDR效果，日落，黑夜，迷幻的關卡，隨時隨地都可以Cap圖做WallPaper，大量經典角色的名場面亦非常識合直接錄做短視頻分享出去，場景做得靚，關卡設計好，唔計部份關卡有點難，需要重複攻略外，整體都係非常容易上手，小朋友都可以輕鬆玩，而老機迷亦唔會覺得太簡單，加上大量PS經典角色同遊戲彩蛋，滿滿的回憶，係一係真係做到老少咸宜的PS5作品，PlayStation今次成功將Astro Bot轉變成一個正式IP，可以說係本年度最成功的出品呢。


《宇宙機器人》產品概要

推出日期: 2024年9月6日
普通版（藍光光碟版 / 數位版） HK$468
數位豪華版: HK$568
DualSense™無線控制器－《宇宙機器人》限量版: HK$628

阿定

Sony Interactive Entertainment Hong Kong Limited （SIEH）由今天起至9月18日期間，於將軍澳MCP（新都城中心）舉行香港發售慶祝活動。



「MCP · PS5《宇宙機器人》發售紀念展」特設多個專區，包括全港首個超巨型6米高宇宙機器人充氣裝置、PS5新作《宇宙機器人》試玩區、主題體驗專區及多個打卡點，粉絲不容錯過！場內更特設遊戲挑戰區，參加遊戲有機會贏取限定禮物。除此之外，現場更會展出及售賣剛於9 月4 日正式推出的PlayStation Portal™遙控遊玩機香港行貨，讓大眾可以優先搶購。





PS5《宇宙機器人》試玩區



場内設置PS5《宇宙機器人》試玩區，配合PS5的強勁效能，讓粉絲可以盡情與ASTRO展開難忘的太空冒險之旅！



PS5《宇宙機器人》主題體驗專區及打卡點



多個超萌的《宇宙機器人》主題打卡點經已準備好，等待大家前來打卡合照！場内更設有繪畫體驗區，讓大家盡情釋放創意，創作自己心目中的ASTRO。