今時今日音響二手賣買（討厭長文勿入）

chunlomo

話說小弟無玩音響十年，近日SET返套2 聲道係屋企
我相信大家都有係C字頭睇下野同放下野。咁故事就開始啦。

咁小第以前一向都放2對SPEAKER 用來聽唔同音樂野，但而家就無咁發燒所以決定放走一對啦。
好快主角出現，話想用我出價低3000 左右賣比佢。我話唔OKAY。
咁佢話問一問佢老婆，我話無問題你問啦（其實已經唔想理佢），跟住無左消息。
隔左3個星期左右，佢又主動揾返我話老婆批左。咁就叫佢出價我確認一下就約下星期交收。跟住互相留低電話。
到下星期又無左聲氣，咁算啦，可能工作忙啦。 咁再隔多一個星期都係無聲氣。
跟住去返C 仔個APP問佢點情況，睇完唔覆。再過多2，3 日先再WHATAPPS 佢。
跟住先話唔要。 咁我都無乜野，只係就咁係C仔 APP 度留個負評算啦，完左件事。

以為賣野係咁啦，而且又唔係第一次預到呢D人。

到之後見到C仔度有人放部解碼，咁還一個價比佢（無大刀），佢話OKAY 就即時約當晚交收。到七點我準備過去個陣，佢叫我等一陣。
我問咩事，佢話要問一問老婆。 我心諗，又係呢D人。所以我都熄返車行返上公司。
跟住覆佢話，咁算啦如果你賣野有難處，我唔要啦。 跟住佢話，無野問一句架炸。
最後當然無交收到啦。

其實買或唔賣，可以直接講。 用老婆呢D理由真係有D 反感。我又唔係問你借錢。
你話我大男人都好。但係唔好攪到自己買賣野都變成個小男人，好唔好。

小瑟

C果邊賣過一次野, 不過唔係音響野, 賣小提琴比人, 都OK的!!
不過聽講好多假野同衰人~

通山跑

HiFi 野我only去R，其他雜項先去C。 總是覺得C 太多人太立集

託賴我係兩邊都冇乜不愉快經驗

番薯皇

好多時真喺睇彩數，小弟有幸最近一次網上賣完嘢，之後啱傾仲做埋朋友。