現在聽音響是否變得一係走向hi end一係low end無中間

AV仔

早十幾廿年前的音樂發燒友，大有大發小有小發，音響器材有平有貴，
幾千元一套音响組合已經有唔錯嘅效果，要求唔高嘅隨便聽聽歌都唔錯，
但自從音樂走向電腦化之後，音響器材變得兩極化！
平價音响似乎以經消失，只有高級器材玩高溫發燒。
平民化的只有一隻藍牙喇叭連接手機就叫做音響！
連什麼立體聲雙聲道都無，只要有聲同夠重低音，轟轟聲就是音响！
要求高少少就是買個靚耳筒配耳擴，沈醉個人世界。

但是這樣的效果能與組合音響比嗎？

當年的愛華，山水，JVC，甚至後期出現MD，我都仲買過了兩套微型組合，放書枱，不知幾靚仔，
而家嘅微型組合有網絡播放及聽網台功能，但選擇唔多，唔通真係要個藍牙喇叭配手機？

LoMichael@G

D有源無綫喇叭都好多功能，又有串流，高級D加多個重低音，放睡房聽吓歌仔都幾好聲。

dplqb

香港地方寸金尺土，所以以前嘅平音響機變細機種，而大嘅音響器材已變咗高級產品，越嚟越貴。🤑

rach

一向玩開家庭影院, 近期因為多左外出工作, 少左留喺屋企, 換左對新藍芽耳機, 可能我太耐無跟開便攜市場, 一接手機第一次聽真係O左咀, 估唔到一對千零蚊嘅藍芽耳機, 駁一部二千蚊嘅舊LG手機聽串流, 已經有好唔錯嘅效果, 有一種喺私家車聽HiFi嘅感覺, 只能讚嘆科技一日千里, 難怪咁多年輕人都投便攜嘅懷抱😎

路西華

dplqb 發表於 2024-9-7 19:03
香港地方寸金尺土，所以以前嘅平音響機變細機種，而大嘅音響器材已變咗高級產品，越嚟越貴。🤑 ...

依家越泥越少人會聽音響組合(尤其係年輕一代)，只會用耳機+耳擴，原因好複雜，真係「星期日檔案」「新聞透視」揾專家都未必解釋得到。但我唔太認同關「香港地方寸金尺土」事。我入左坑30年，從未住過「大屋」，依家屋企個廳，闊8呎(唔夠)，長13呎(唔夠)，面積100呎(唔夠)，我仍然堅持用  2聲道合併擴音機+座地喇叭  聽歌。
我都夠胆講句，我係「環境鬥士」。
「地方寸金尺土」「環境唔好」，係會有影響，有限制。但只要你有决心，係阻止唔到你做任何事。

MDLP

其實睇音樂類型
如果聽hip hop/KJ pop
反而正規音響未必適合
藍牙喇叭都唔係冇stereo
近呢幾年已經全部藍牙都係tws
即係買兩隻pair可以成為一對stereo
JBL例如partybox boombox extreme一對要嚟聽上面所講嘅音樂甚至流行歌入唔入格非常震撼

MDLP

屠佬都好又平又靚嘅抵死嘢
二千零蚊一對鞋盒喇叭
三仟零蚊個解碼
幾舊水合併機仔
要求高啲加部前級
仲有好多屠佬線材
加埋唔使一皮出嚟個效果已經呃得人

panerai

路西華 發表於 2024-9-8 00:51
依家越泥越少人會聽音響組合(尤其係年輕一代)，只會用耳機+耳擴，原因好複雜，真係「星期日檔案」「新聞 ...

師兄個廳、擺位又公整、又對稱，已經好好👍🏼

Benip

係香港一個普通收入既打工仔玩兩聲道，點樣升級都總離Hi end保持一段距離，我個人覺得我玩到既Hi end，只以自己經濟能力負擔頂端就係我既Hi end

路西華

panerai 發表於 2024-9-8 12:31
師兄個廳、擺位又公整、又對稱，已經好好👍🏼

其實望落好好，實際唔好，天花並唔係對稱，所以音場本身係會偏左。花左好長時間去解決：試過調教balance制，效果唔太理想。最後反複嘗試喇叭擺位，终於揾到一個擺位效果比較滿意。其實重有好多「聆聽環境」嘅小問題，就唔詳細表述。我真係都係「環境鬥士」，唔係「吹」㗎！😊