分期付款愛上你 和 圈套

lamwaikit007

星期二和星期三的晚上走了去柴灣永利中心的 Cinema City，看了 泰國片分期付款愛上你 和 歐美片圈套。

如無合約，柴灣Cinema City 的尾場真係抵睇 ，$38一張戲票真係無敵。正場在自助票務機使用Ciibank 信用卡買都有8折，折後$47，仲可以點。打咁多字都係想支持一下這一間街坊戲院。

講番正題，之前真係冇睇分期付款愛上你的原裝韓國版和改編的台灣版，只是大約知道男主角都係要歸天，而仍在世的女友則代其照顧其父親。去到泰國版 ，今次是摘錄韓國和台灣的情節，再改少少。當然男角仍然是會離世，但今次則讓女角一人繼續堅強生活，並且開了一間食店，並以陽光燦爛的背景完結。好像多了一點生氣，給予正面訊息。

另一套電影圈套，看 Trailer 時，我以為整套電影都是在演唱會場中拍攝，結果當然不是。但故事橋段和情節 真係好攪野，話估到又唔係，話估唔到又唔係。當然變態殺手和歌星鬥扭計又幾過癮和痴線。結局雖有留尾，但建議唔好拍續集了。但其中，我最失敗的地方，就係見住大隻兼有點胖的男主角，到出字幕時，才知道他是 Josh Hartnett，珍珠港的第二型仔男角，他做這個變態佬做得幾恰當。

總結來說，2套戲不仿捧下場。