全職乖孫

lamwaikit007

今晚終的起心肝去睇“全職乖孫”，一直冇去睇，都係怕場面過份感傷。但見網友和朋友推介，而又咁啱9：30有場開，所以拍板。而且尾場優惠$38，支持下 cinema city 院線。

我初時以為男主角是假扮出來的乖孫，原來是外孫。劇情發展下去，其實都幾感傷，故事中的父母都係重男輕女，講到遺產亦是如此，但做女兒的始終比兒子愛錫父母。到最後，乖孫始終覺悟並將婆婆留給他的錢買了一塊好墓地給她下葬。

家庭倫理片，在香港的票房一向麻麻，可能太多人覺得睇家庭倫理片等如睇自己一樣，自己嘅故事什至可能仲精彩過電影（爛GAG一笑）。

片中的配景音樂，我覺得幾正。總結來說，其實都值得一看，輕鬆下。