首部華語I-MAX大作《唐山大地震》

AST(Gym)

回復 30# 劉一舟


    拍電影就是這樣,不民族主意一點,很難得到大多數人的認同  荷李活的猛片 又何嘗不民族主意呢! 珍珠港,地球反擊戰,折彈部隊等等等 也很美國主意啊

law1987

没了 才知道甚么叫没了 - 唐山大地震



我用左半包纸巾.

Fabregas

也想看看原著的小說!

劉一舟

《唐山大地震》：中國劫後重生見證史
(內容涉及劇情)


昨晚睇完IMAX版本，奉勸各位都係睇番35mm版算，因為IMAX版喺片初唐山大地震嗰段出嚟效果好模糊不清，相信係菲林blowup後的反效果。又若大家以為馮導會炮製一齣像《2012》等災難片種又可以省回金錢，因套片埋牙十分鐘左右就開始大地震約數分鐘，跟住打後兩小時的劇情就係講多過做，情形就如馮導之前套《集結號》一樣，不喜歡此類言情國產片嘅觀眾要留意。

馮導再次改編內地小說，根據張翎小說《餘震》改編，約兩小時多的影片，我覺得幾似某齣國產電視劇，可能此片橫跨三十二年時代背景吧，由片初唐山大地震貫穿片末汶川大地震為背景，講述方家四口地震過後所經歷嘅人與事，劇情其實沒有太多矯揉造作或者過份煽情元素，雖然看起來比較平淡但裏面各演員的精湛演出卻令此片出嚟無咁悶，片初唐山大地震嗰段真係拍得好逼真，我想令好多觀眾都諗番起前年汶川大地震幅幅懾人的場面，令到觀眾越睇越心嗡，我呢段都好動容但仍把持得住，喺結局相認和墳場兩段終於失守，眼淚奪眶而出，環顧四周，其他男女觀眾都和我一樣表情，我諗呢個就係終極催淚位了。

影片有令人反思的空間，我會諗若片初媽媽救嗰個係個女，個劇情又點發展呢？活著比死更痛苦，新建築代替舊建設，但心靈的小屋被摧毀就永遠就成廢墟，裏面弟弟的這一席話又會令你想起些甚麼？影片涵蓋的年代也反映了我國災劫過後所經歷的改革開放的日子，但人事變，天災不變；天災無情，但人間仍然有情，這會否也是導演想表達的另一深切體會？

我會俾76分 (100分為滿分)

AST(Gym)

回復 34# 劉一舟


    我在普通沒IMAX的影院看, 地震一段也是一團團的殘影根本看不清楚   但是早有心理準備是這樣的了   不知是攝制的問題還是技術支援的問題  正如我之前所想的,IMAX電影太泛並不是好事  好好的一套電影,因為支援不足問題和其他技術不成熟  一場震撼的場面給一團團的殘影破壞了電影的整體氣氛

劉一舟

回復  劉一舟


    我在普通沒IMAX的影院看, 地震一段也是一團團的殘影根本看不清楚   但是早有心理準備 ...
AST(Gym) 發表於 2010-7-23 20:18

吓？連35mm版都係咁？咁真係要反映下了。

chyhm

<<唐山大地震電影>>好睇!
內容很好,就是配樂有小小唔得,唔夠入心入肺!
幾次眼淚就可以出黎,買咗2包紙巾,用唔著
震嗰part唔長!
我反而鍾意,時間線的交代,睇到當年到今天,中國人思想嘅改變!

teddy

不管喜歡與否,馮小剛無疑是中國最有商業頭腦及擅用包裝的導演,逢片必賣,在內地很紅很火,然而是否部部佳作,則見人見智了.
我覺得他對上一部<非誠勿擾>最佳,描寫內地中男相睇趣聞,嬉笑怒駡中亦有自潮及反思,而新作<唐山大地震>則借題發揮,大搞特技悲情,又號稱是全球動容的好片.
我個人不懂欣賞此片,覺得吹擂多過催淚.此片令我想起一套舊國片<活着>,劇情亦很平淡,亦是描寫中國老百姓數十年來的人情變故,然而比此片自然真切得多.

miipp

上過中國語文及文化的我, 一定唔會去睇呢套片

P.S. 早幾日有人請我去睇都唔去

miipp

回復  劉一舟


    我在普通沒IMAX的影院看, 地震一段也是一團團的殘影根本看不清楚   但是早有心理準備 ...
AST(Gym) 發表於 2010-7-23 20:18

對 3D 戲好感度係零
同價我都會揀 2D (除左啊凡達呢些特殊例子)