你對香港電影期望?

Ken704

坊間成曰聽人講香港電影點差又幾冇誠意, 更甚既係, 有人話奉係香港電影, 必定唔捧場.
但聽人講如何改善就好少, 作為觀眾既你, 你有咩意見去改善香港電影, 對港產片又有咩期望?

cowpang

先講下杜sir拍的片,ptu,好好睇,但睇多幾套,開始悶,好似睇緊一個series,演員差唔多畫面差唔多
輕鬆小品,內容90%講拍拖,可唔可以拍d其他題材,可能佢地會諗其他題材風險高.但港產片已經無乜人睇.風險相當對差唔多.
大時大節應節片,當中最怕賀歲片.成日整d懶應節的畫面,好鬼out,如果有d心思,好似華仔拍的歷咕歷咕新年財都唔會咁.現在每逢新年好多電器鋪仲播緊呢套片.咁多年都無一套賀歲片可以代替佢

建議:老生常談就係劇本.唔好話電影,電視劇都係.無論乜野題材都唔會深入去了解題材
你話佢地係乜野職業都得因為點都唔會深入,外國電影或者日劇的資料搜查幾咁專業.香港電影邊洗搜集資料,當觀眾係白痴！
有資本拍大片,d錢都唔知用黎做乜,成日都係拍古裝片,諗住服飾靚.內容又係不用提.成日好似拍唯美電影咁.
赤壁(當佢係港產片)算有d創意,唔好理忠唔忠於三國故事,但話好好似又真係唔算law

ezam

小弟冇入戲院睇港產片好耐了,因為local produced的,好似賣星多過故事內容
以前d片有誠意少少,而家有錢拍片的,如樓上師兄講,都係拍俾人睇--->好多錢拍架咁
故仔就真係唔知做乜,資料搜集又唔夠,百幾分鐘要寫得好,的確唔易
但真係要加多分誠意and not just for profit making or selling overseas

有時情願佢地的質素似下港台拍的劇,小弟覺得會有意思d

cowpang

以前d編劇係電視台浸出黎,現在電視台只會做copy cat,浸出黎果d又高得去邊.新晉導演又眼高手低,當觀眾係白痴,如果加埋灌頭笑聲仲以為自己睇緊eyt.
電視劇仲好笑,例如拍乜野職業都好,都唔會深入講工作,好似炒手人心,咁間醫院好似只係得一個部門,果個部門叫canteen.
相對日劇code blue呀,真係會有診証的內容,會有手術,會有醫療材

唔好話入場睇,近年連租碟都少,對上一套係家有喜事,
小.......睇完覺得浪費左自己時間,同架player光頭的壽命

不如問下各位,近年有乜野港產片值租黎睇下

ezam

又係喎,有人買左隻家有喜dvd,睇完俾左我,我都仲未睇添
小弟真係同港產絕左交都好耐下,係間唔時係電視睇下咁
有套有黃秋生,林雪,張家輝,吳鎮宇,張耀揚...唔鬼記得叫乜名添,睇黎都好耐下
近年呀....真係冇乜想睇咁.....

志明與春嬌,惠英紅攞獎果套...係咪叫心x
之前周潤發套孔子....都有過點點想睇
但唔係入戲院喎,係睇下幾時行開睇碟咋

raymond430

香港人欠創作,大部份只懂抄襲.所以戲情千篇一律.基本上你祇要睇30分鐘(或更少時間),已可估到結局如何!初初睇三兩套還可以,但睇多幾奪就幾無引......d人咪上網睇算數了.......

cowpang

新年rmvb睇左套短仔多情,真係小喇叭,
反而十月圍城,減去黎天皇果段都算好睇

adamkong

平心而論 香港d電影之前真唔差 其實係由開始有老番就一路差落去 跟住又到bt 死直啦
個個都唔洗錢 係咁bt ... xyz
仲邊有人投資去拍片 音樂都係一樣
有份bt過又或者買過番版的人
多謝你地

ezam

咁即係質素下降啦
唔值得俾錢去睇....
都仲有人投資,咪拍去賣埠囉
大6下下收過億添啦

cowpang

呢d叫惡性巡還,
如果係好片,好似無間道咁,d人未會入場睇,乜果時無老番同bt?
我唔係無入場睇戲的但100%外語片,

dadmkong兄,不如我地做下統計,幾多錢一張飛你地至會入場睇
月滿軒尼斯或美麗密令,記住當兩個人一齊入場睇,我估好少人一個人入場睇戲卦
a. $10-$20
b.$21-40
c.$41-60