D4 上 D4 Signature

panerai

Greathpto8 發表於 2024-5-7 11:10
Boulder 866直接推804就可以?

我當日聽覺得ok 呀，不過每個人標準、聽感、要求都唔同，我口講不如自己親身去試聽。
而且當時都係聚焦於更替試聽普通版805與簽名版805之間既分別，所以未有更深入咁去探究866既能耐。

echo123

請問師兄可否pm價錢及店舖資料？
另現用老麥MA8950amp ，夠力推嗎？直上座地8O4D4會不夠力推

panerai

echo123 發表於 2024-5-7 21:31
請問師兄可否pm價錢及店舖資料？
另現用老麥MA8950amp ，夠力推嗎？直上座地8O4D4會不夠力推 ...

我未用過老麥，所以比唔到確切答案你。
但純粹推斷黎講MA8950有200W ，與我喺試805D4 Signature 時所用既Boulder 866相約，理應足夠應付，但始終要自己耳聽為實。
至於用黎直上推804D4我冇概念，因為我未聽過，當時只係聽過佢推805D4 Signature 及 801D4 Signature

echo123

panerai 發表於 2024-5-8 08:38
我未用過老麥，所以比唔到確切答案你。
但純粹推斷黎講MA8950有200W ，與我喺試805D4 Signature 時所用既 ...

謝謝ching解答-

panerai

升左上簽名版之後，本來打算靜一排先，
但用緊既SINE S60a PT 唔夠數碼插蘇位用，本來有諗過直上Gateway，但考慮到價錢、插位數量，又想試試新嘢，所以入手Lightspeed H2
其實SINE S60a PT 已經有好好表現，背景夠靜夠黑，只係數碼插蘇位唔夠我用，的而且確H2因為濾芯更多，所以表現更佳，真係沒有最黑最靜，只有更黑更靜。

RW0398

panerai 發表於 2024-5-7 10:19
其實都有考慮過，但我地方狹小，喇叭與喇叭、喇叭與皇帝位之間僅僅6尺的等邊三角形，用坐地喇叭我擔心空 ...

我大細同你差唔多，以前用書架，有時有開大啲volume，先出到足夠既細節。最近換咗坐地，反而係細啲volume都有足夠既音壓同細節。

Foreverwest

echo123 發表於 2024-5-7 21:31
請問師兄可否pm價錢及店舖資料？
另現用老麥MA8950amp ，夠力推嗎？直上座地8O4D4會不夠力推 ...

我之前用過MA 9000推804D3無問題，我估MA8950推804D4應該都無問題。

panerai

RW0398 發表於 2024-5-27 21:59
我大細同你差唔多，以前用書架，有時有開大啲volume，先出到足夠既細節。最近換咗坐地，反而係細啲volume ...

換805D4 Signature時，都有一刻猶豫是否直上804D4，但家居面積所限，用座地喇叭始終擔心較局促及空間不足以讓喇叭舒暢去發揮、呼吸。

我自己環境而言，夾以往SINE S60a PT 或現時 Lightspeed H2電處，加上電箱有拉獨立電關係，背景寧靜度都足夠於細音量下交待出豐富細節，不需太刻意調高音量。

當然聽爆棚嘢/鼓樂之類，我都會開大音量去感受佢既臨場震撼感覺，尤其現用A48推呢對書架，算得上收放自如，力水、味道、分析力都有足夠表現，可以玩得盡d對喇叭。

Benip

panerai 發表於 2024-5-28 01:17
換805D4 Signature時，都有一刻猶豫是否直上804D4，但家居面積所限，用座地喇叭始終擔心較局促及空間不足 ...

呢個諗法有人認同，亦有人唔認同，當然喇叭大小對空間有一定要求，但其實調較得宜，用座地喇叭一定有更佳效果，除非喇叭要擺音響架或電視櫃上，書架落得腳架其實同座地佔既空間一樣

panerai

Benip 發表於 2024-5-28 10:50
呢個諗法有人認同，亦有人唔認同，當然喇叭大小對空間有一定要求，但其實調較得宜，用座地喇叭一定有更佳 ...

師兄有你既道理👍🏼

對我黎講805D4s 與 804D4 「佔地面積」係一樣 (縱然805D4s 所佔「空間體積」較少，視覺上亦較輕盈)，但並非問題所在，重點係我家居環境空間食唔落804D4合共8隻單元既音壓、音量，明顯唔能夠盡情咁比佢去發揮。

以同級數產品而言，坐地喇叭當然一定會比書架更加全面，呢樣無可置疑，我亦了解。不過每個人聆聽環境都唔同，所以都冇乜對錯/有否別人認同可言..…..

受制於家居環境下，我妥協、亦享受以近場聆聽環境去玩一對靚書架，爆到對書架有8，9成細座地既表現，我獲得滿足感、樂趣會更大🤗