|
|
如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
一直都預左新年要睇呢套戲, 雖然話偶像做戲可能大家都會覺得"太有型", 未必好睇, 不過老實講, 睇過 ANSON LO同 EDAN的"大叔"同"社內", 對佢地睇法其實都幾正面. 今次仲有「張繼聰」同「白只」二位影壇中堅又成熟的老手在場, 入場變成今年龍年必做的事!!!
電影內開場交代人物係有點太快同過於簡單 , 不過信相導演想大家盡快入局. 處理手法都還算可以 . 去到日本就成條線順哂, 一直睇到尾都OK冇眼訓, 劇情係有小小犯駁, 不過係2小時間內你知道哂成個古董鐘錶業的"運作"同 Edan既智慧擔當其實都算到位了. 最尾的縷橋亦都覺得非常唔錯. 呢套 」『盜月者』係新年絕對值得一看.
 評價一下演員 :
Edan : 角色做得好好, 佢做智者已經好耍家, 亦都岩哂佢本身形象. 呢個可以話由"社內"時既經驗再加佢本身性格係好夾. 佢做演員係比合格更好, 最小讓觀眾投入係冇問題的!! 抵讚💪
Anson Lo : 老實講, 好多人都覺得佢化妝太勁, 又唔似男人, 不過呢D都係表面, 依家做星係咁架啦, 君不見韓星下下可以去到美國發圍, 而MIRROR 12個其實最有機會係佢.....不過佢偶包有時就會比較大, 始終都係偶像!!! 但真心講做戲佢真係得, 好勁又唔算, 不過起碼都自然同做到角色需要既效果. 而且佢有咁大個偶包但我睇佢做戲時起碼唔會比演繹攪到"出左戲"先, 以佢既全偶像明星的形象來講, 其實好難得! 同埋佢唔咁重妝係好睇好多的! 起碼MAN返小小!! 不過呢套戲佢都算做得好!
姜濤 : 偶包太大, 比起上面2個係CHOK既面部表情充上, 演得真係唔太自然, 佢一出場就好"姜濤". 可能戲份唔多, 發揮時間比較小, 所以未係好睇佢有演技有進步. 唯一"你伯爺"果段好睇D, 有D火同似做戲!! 希望佢可以慢慢進步, 唔好步劉華後塵, 睇來睇去都係睇劉德華就好了!
張繼聰 : 完全咩起哂套戲既骨幹, 今次一次都冇笑過反而有另一味道. 不過個樣本身太善良, 難免覺得佢唔會殺人果隻. 不過要做到泠靜同打手就入型入格冇問題. 同埋佢比人一把把星埋去果D, 好明顯係真做, 真係不得不敬佢一野 . 另外佢同白只可以話係最佳拍檔, 對手戲一來一回好有默契, 尤其以日本碼頭一段做得最好. 今次入場都主要係睇佢, 果然冇另我失望! 
白只 : 冇野講, 老戲骨, 完全入戲, 亦都好做到爛仔同打打殺殺既效果, 同Edan一段友情亦都正, 冇佢同張繼聰呢套戲冇左個好大既火花, 而且劇情的張力亦都會減小, 都係果句, 日本碼頭一段做得最好, 佢發揮比聰哥更好, 可以爆出角色真心諗法同"小"醒張繼聰個角色!
 去睇盜月者梗係要抽揮春啦！#聰哥係要拋頭露面先換到咋 #勁難抽
|
評分
-
查看全部評分
|
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2024-2-14 16:49
發表於 2024-6-5 08:08
