天龍 DENON A1H 入手 (多部經典分享)

CalvinTsang@FB

非常忽然地，網上見到有人放售A110，懷著窮人絕望升級嘅心態去問朋友最近有咩筍嘢，出奇地年頭出嘅A1H竟然跌到心目中嘅價，就即刻申請幾張信用卡。

就咁，就將佢枱左返屋企~

打從十歲幾響姨丈家中見到的音響器材，已經好有濃厚興趣，同自己講將來一定要有自己的劇院！回顧擁有第一部AV機於2006年，當年公司識得一位良師，教我由用緊大陸cheap cheap 5.1音響HI-FI上至玩家自砌模式，搵左啲入門小型喇叭，買左部Pioneer AX2AV，當年興起THX、ProLogic IIx，已經玩到7.1，當時能夠玩到7個喇叭同主動低音箱，真係好正好夢幻，就咁一玩就7、8年。

搬咗屋後，覺得想為自己新居劇院注入新動力，於是更新了Pioneer LX77，當時仲未有Atmos同dts:x，呢部機已經可以玩到模擬Front height，即刻又入左對喇叭放上頂，感覺又神奇又興奮，當年都仲未有名叫7.1.2，就咁叫 上方聲道。同期再加埋可玩SACD HDMI直通DSD，對於窮人買唔起靚盤來玩模擬解碼嘅我，呢個直通DSD真係令我精神左唔少，呢個時候係2013年。

就響呢個時候聽到個好絕望嘅消息，所有品牌不約而同宣布: 下部2014款將會加入Atmos及DTS:X。。。。O.My God…..

一等就2020年，覺得Pioneer氣勢不及當年，把心一橫轉Denon X6500，以前總聽到一班師兄講天龍Power好勁。換機目的都是當年不甘心玩唔到Atmos，所以生左小朋友後，就決心上Atmos。換後發覺天龍勁力真係好唔同，爆炸力之強大簡直係我以前未試過，不過聽歌嘅暖和力反而冇Pioneer咁有味，個人純粹覺得。

又過左3年左右，一部最終家中玩到盡嘅9.4.6(當然都肯定自己玩唔到咁多)，加上SUBx4(玩埋震子)，都係我想再上嘅原因。本來想等X6800再睇，但A1H果堆config係我好想擁有嘅東西，所以，入手了。

一路仍在學習中，這個一生嘅嗜好，不會停不會累，會繼續踩坑落去！

PS: 簡單比較前機X6500，同樣的喇叭組合，低音密密的包圍力、豐富的細節、強勁的推力，係完勝上代產物，絕對係一個新進程，你會覺得當所有音效技術都同前幾代一樣時，新機 會係一個level嘅提升，個人會開始學習、懂得追求完美而非新功能。不要盲換機，要學會提升自己對細節上嘅要求，咁換機先值得。

littlefat69

恭喜師兄👍🏻
師兄你舊嗰兩部amp 都仲keep住？

marco

我都係小時候係姨丈屋企感染到呢個興趣呀

CalvinTsang@FB

littlefat69 發表於 2024-1-27 08:06
恭喜師兄👍🏻
師兄你舊嗰兩部amp 都仲keep住？

哈，窮人嘅我，挭係即刻變賣啦！
依家只有留相留念~

littlefat69

CalvinTsang@FB 發表於 2024-1-27 09:55
哈，窮人嘅我，挭係即刻變賣啦！
依家只有留相留念~

咁快搵到新買家？😉

CalvinTsang@FB

marco 發表於 2024-1-27 09:24
我都係小時候係姨丈屋企感染到呢個興趣呀

第一次見到就上咗電，冇佢地邊有今日~
可惜嘅係我成長路上，身邊都幾乎冇朋友會玩呢啲，屋企人又討厭嫌嘈，都係靠環境變化+堅持先可以繼續。
好彩依家太太不會反對我玩，好感激太太背後默認通過。

CalvinTsang@FB

littlefat69 發表於 2024-1-27 09:57
咁快搵到新買家？😉

咁百貨百客嘅，只要係正常操作都會有人啱嘅，加上網絡咁方便，方便左二手產品流通性。
每次放走一部，都會有唔捨得~

littlefat69

CalvinTsang@FB 發表於 2024-1-27 10:07
第一次見到就上咗電，冇佢地邊有今日~
可惜嘅係我成長路上，身邊都幾乎冇朋友會玩呢啲，屋企人又討厭厭嘈 ...

師兄搵到個好老婆真係冇得頂👍🏻

CalvinTsang@FB

littlefat69 發表於 2024-1-27 10:24
師兄搵到個好老婆真係冇得頂👍🏻

哈哈，佢比我好大自由，知我唔會亂洗錢

GaRyShum@G

CalvinTsang@FB 發表於 2024-1-27 10:07
第一次見到就上咗電，冇佢地邊有今日~
可惜嘅係我成長路上，身邊都幾乎冇朋友會玩呢啲，屋企人又討厭嫌嘈 ...

我太太開頭都有意見架但佢依家每星期都會問今晚睇咩戲變相依家自由度都好大