搬屋公司介紹

小瑟

上次幫外家搬屋，中左招，搞到要去警署，總之都係果句，盡量唔好落太多訂，大數一定要完工先比，如果一轉車 ...
阿定 發表於 2010-4-14 08:55

嘩........咁你真係幾唔好彩喎, 擺明就中左老千!!!

我果個就OK既, 係做開熟人介紹生意既, 所以我打電話去, 大約話比佢知有D咩, 之後佢就問我要幾多個盒, 我仲囉多好多, 之後佢搬屋果日先第一次見, 搬好哂砌好埋張床呀, 櫃呀, 所有野 CHECK過冇問題, 先收我 1800大洋!!!!

講真, 佢地搬野既 SPEED同手腳都非常好, 又唔粗魯, 又快手, 果日由佢地上來到開車, 唔洗1:30鐘, 上樓仲快, 停車到佢地FINISH JOB走人, 都唔洗1個鐘~~~~D傢俱又冇爛冇花, 砌野功夫又好, 依家張床都好實淨...........講講下, 又好似 SALES咁......不過果次我都好滿意, 不過聽講價錢真係貴小小, 之後有朋友搬屋, 屋企仲多野過我, 都唔洗 1800蚊, 不過冇所謂啦, 差幾百買個質素都抵既!!!

阿定

嘩........咁你真係幾唔好彩喎, 擺明就中左老千!!!

我果個就OK既, 係做開熟人介紹生意既, 所以我打電話去 ...
小瑟 發表於 2010-4-14 09:22

我果次服務都好好架，除左收左錢無左影，搞到得番一架貨VAN咁大把的野係舊屋外，事前上來幫你睇有幾多野，早一個星期預備定膠盒紙盒比你放野，當日搬野咩都包膠唔會慳，又輕手，又有禮貌，d細的茶錢都唔肯收，前線員工我比夠120分，直情值得我寫一千字上網歌頌佢果隻，可惜老細下流賤格，言而無信！

Gulu

如果只喺上屋搬下屋（同一坐樓）， 做法同費用喺唔喺差不多？