Denon A1H維修好了，在此分享小弟的組合

AskaLung@FB

YuKeungLai@FB 發表於 2024-1-9 12:47
中間兩隻SB，側邊兩隻RH

Ching我以下說話希望你吾好見怪，大家交流下，
其實你擺位係有少少問題，以前玩5.1 SR同SB真係要升高先突顯到3D嗰個效果，但依家atmos係唔同咗，基本上而家佢分上下兩層架構，第一層係5.1、7.1下便嗰層架構，第二層係天空星道嗰個架，下邊嗰個架構而家基本上係要同耳仔差唔多水平 ，即係大約前置，後置同SB,係要同一個水平,譬如你一架直升機喺你皇帝位打圓圈咁樣迴旋,咁你水平嗰陣時會聽得好清楚，圉住你轉，唔會有高低既落差,但如果你後置升高咗嘅話,你嘅比例就會唔啱，個直升機飛去後邊嗰陣時你就會發現飛高咗，跟住去返前置又跌返落去,天花係第二層升軌,但如果你有將SB擺埋同一個高度位置，所有嘢都會亂晒，雖然你聽到天空係好多聲音，但其實你係返唔到嗰兩層聲，因為你後天花同上SB已經黐埋咗一齊,最好嘅話將SB落返,你嘅音場嘅連貫性會好好多的，同埋後面中間嗰個兩隻最好做返RH,要同前兩對天花成返一直線，咁最左同最就set返SB,咁就同SR同前置，啱返個比例😊👍

cheungyunwai

AskaLung@FB 發表於 2024-1-10 09:15
Ching我以下說話希望你吾好見怪，大家交流下，
其實你擺位係有少少問題，以前玩5.1 SR同SB真係要升高先突 ...

好認同，畢竟樓主都花咗唔少心思去裝修搞好，吾爭在嗰少少盡量對齊啲位☺️☺️

matt88p

AskaLung@FB 發表於 2024-1-10 09:15
Ching我以下說話希望你吾好見怪，大家交流下，
其實你擺位係有少少問題，以前玩5.1 SR同SB真係要升高先突 ...

我都認同師兄所講, 本身樓主個場環境其實真係冇得頂, 呢啲廳真係玩影音無敵咁滯, 如果擺位能夠改善改善我諗出嚟效果肯定冇得輸冇得輸冇得輸😄

Ep-71

夢寐以求

YuKeungLai@FB

AskaLung@FB 發表於 2024-1-10 09:15
Ching我以下說話希望你吾好見怪，大家交流下，
其實你擺位係有少少問題，以前玩5.1 SR同SB真係要升高先突 ...

師兄的意見很正確，其實在裝修時也知道SB不是在一個最完美位置,梳化是再客聽中央，而後面就只有這個位置能安裝喇叭，唯有無奈地選擇這位置，說實話，音響擺位真是一門學問😊多謝指教

AskaLung@FB

YuKeungLai@FB 發表於 2024-1-10 22:29
師兄的意見很正確，其實在裝修時也知道SB不是在一個最完美位置,梳化是再客聽中央，而後面就只有這個位置 ...

係呀 香港屋企細，好多ching都係好細嘅空間玩到盡，喇叭位置吾好都盡量擺好啲位，ching影音位置咁大，沙發又置中,要玩得好音場，一定吾係難事，最緊要係喇叭擺位，千祈唔好聽有啲師兄講，就算你喇叭唔係好啱位auto cal都可以幫你搞掂,呢啲真係一啲歪理,千祈唔好覺得auto cal好似神一樣,另外師兄中置嘅擺位，你下邊併聯嗰隻中置同高中置，先唔好講你併聯究竟有冇好處，但係兩隻上下其實原意係想將啲聲音可以好似喺個屏幕中間出現，但如果兩隻都係唔同牌子唔同功率唔同單元，好大機會唔夾聲，因為前三玩得好最基本都係同一個系列，其實如果師兄想過人聲喺正中間集中發聲，其實可以下次再想換器材時候換下透聲幕，買一隻大啲嘅中置擺喺後邊喺正屏幕嘅中心位，咁你就會好容易做到嗰個人聲喺正畫面出嚟嘅感覺，透聲幕嗰度其實你可以買個再大啲，譬如你個範圍大約應該可以用到160吋透聲幕，將前置擺埋喺入邊，咁你前邊三隻喇叭就已經喺晒畫面裏面，咁你當睇電影嘅時間畫面同聲音融合咗一齊投入咁會高好多好多，上個一位師兄，佢屋企就係咁樣用透聲幕真係無敵😊

cheungyunwai

AskaLung@FB 發表於 2024-1-11 09:07
係呀 香港屋企細，好多ching都係好細嘅空間玩到盡，喇叭位置吾好都盡量擺好啲位，ching影音位置咁大，沙 ...

不能認同更多，好用心👍👍👍

jafe822

完全私人最高影音空間高享受，聲色好過出街睇戲爽。