朋友上門練習cal BENQ W4000i

AskaLung@FB · 發表於 2023-12-12 09:17

本帖最後由 AskaLung@FB 於 2023-12-18 11:37 編輯

BENQ W4000i 投影機
個色準都幾靚，因為BENQ講每部機出廠前都有 cal色準，低至DE3,不過白平衡就硬係吾夠白，一睇字幕就知，有少少遍藍，有位識佢好耐既朋友，佢自己又係用緊W4000i,自學左幾個月cal色準，佢話自己cal完，真係同之前差好遠，但其實我係有啲半信半疑，因為部身自己覺得已經好靚，重有得靚？
朋友話:(我吾收你錢㗎，怕咩啫，當比我玩吓囉)，咁我諗佢如果冇料到，最多咪重置?
咁星期六朋友帶埋架撐cal機，當時佢講左嗱依度你之前咁樣，你依家就咁樣，之前係DE3左右，依家已經調到0. 幾已經好低，其實唔係太明?不過唔理佢最緊要係結果，幾個鐘之後cal晒HDR同SDR,咁緊要睇吓係咪正在先
首先睇HDR,第一時間已經發現字幕白左好多，相裏便雲哥件恤衫真係變返白色了?
復仇者聯盟3初初雷神飛船嗰度暗位清好多，睇返好多野，高光位因為用左廣色堿，高光位已經冇左兩至三成，不過cal完之後高光位，光返曬，好sharp，好靚?
再睇埋SDR隻大黃蜂，暗位再睇返更多，但又唔會灰，黑色都明顯有改善
總括嚟講，我真係估唔到咁大分別，真係喜出望外，朋友最後有講，其實再可以好少少，等再儲到錢，再買多一支重靚啲既色度計，再上黎幫你cal過，當係實習吓?
遲啲無聊，我都自己買一個呢啲色度計自己cal先??