（傑科4K）傑科4KG5500部份正版4K碟不能播放

JackSiHong@FB

希望有好心人可以盡快回覆和解答🙏
希望有好心人可以解答一下嘅疑問，話說我用傑科4K G5500增強版，睇美版4K UHD+Blu ray 《七俠蕩寇誌》同《空軍1號》，打算睇呢兩隻嘅4K碟，可惜呢兩隻嘅4K碟完全播放唔到，試過好幾次都係咁，再隔咗幾日睇呢兩隻嘅4K碟都係唔得，每次都係彈出光碟資料嘅介面之類，反而睇呢兩隻BD（因為隻美版4K包埋BD），就反而係播放正常，而且可以外掛中文字幕。當兩隻嘅4K碟出現問題，我在家中嘅客廳用同款嘅 傑科4KG5500增強版播放呢兩隻嘅4K碟，都係仍然唔得，同一款嘅4K，都係播放唔得，咁唯有用PS5港版光碟版主機播放呢兩隻4K，都係唔得，咁呢個情況係隻影碟嘅問題？定係4K機嘅問題？ 補充番，除咗呢兩隻正版4K碟播放唔到，前日睇隻美版4K UHD+BD 《獨行俠連環奪命槍》，都係出現同樣情況，4K碟睇唔到，藍光反而正常播放。雖然出現以上情況，但其餘不同版本嘅正版4K碟係睇到，家中播放美版4K 《辣手槍》、《阿凡達：水之道》以《生死時速》及港版4K+Blu ray 《桂河橋》 呢4隻嘅4K碟，都可以正常播放，咁藍光依然係正常播放。咁最後係補4K機嘅問題？定係隻碟嘅問題？

JackSiHong@FB

後記：呢部機係港版行貨，由於本人住在澳門，所以部機也是在澳門萬眾音響購買。

kit323

JackSiHong@FB 發表於 2023-12-10 03:04
後記：呢部機係港版行貨，由於本人住在澳門，所以部機也是在澳門萬眾音響購買。 ...

早幾個月我買嗰時都有睇唔到DVD情況,之後SETTING嗰度揀吓唔同嘅設定後,依家又可以了
4K碟同舊嘅香港BLURAY演唱會都無播放問題,我相信認到碟同播到藍光就有可能係設定問題,

反而我想問點樣睇碟時外掛字幕?

JackSiHong@FB

kit323 發表於 2023-12-10 10:19
早幾個月我買嗰時都有睇唔到DVD情況,之後SETTING嗰度揀吓唔同嘅設定後,依家又可以了
4K碟同舊嘅香港BLURA ...

你喺嗰個設定點樣調整？

小瑟

師兄, 轉去家庭影院果邊可能會多d人幫到你~

JackSiHong@FB

小瑟 發表於 2023-12-10 11:34
師兄, 轉去家庭影院果邊可能會多d人幫到你~

家庭影院？你係指店舖定係群組？

topgun22

JackSiHong@FB 發表於 2023-12-10 03:04
後記：呢部機係港版行貨，由於本人住在澳門，所以部機也是在澳門萬眾音響購買。 ...

ching 是 傑科4KG5500增強版播放呢兩隻嘅4K碟，都係仍然唔得，同一款嘅4K，都係播放唔得，咁唯有(用PS5港版光碟版主機播放呢兩隻4K，都係唔得)，咁呢個情況係隻影碟嘅問題？定係4K機嘅問題？
這個 情況 如果 有機會 帶番這2隻碟 试下 萬眾 另外 (M)字頭的4K機 睇下 是否可以 正常播到

JackSiHong@FB

topgun22 發表於 2023-12-10 23:28
ching 是 傑科4KG5500增強版播放呢兩隻嘅4K碟，都係仍然唔得，同一款嘅4K，都係播放唔得，咁唯有(用PS5港 ...

你意思係帶返呢兩隻嘅4K碟去萬眾音響試吓？即係比佢哋萬眾音響嘅維修師傅佢哋檢查部機？

kit323

JackSiHong@FB 發表於 2023-12-10 11:08
你喺嗰個設定點樣調整？

唔好意思,我唔記得原本係乜SETTING,依家SETTING大部係自動,音效係BITSTREAM,主要係呢個設定

topgun22

JackSiHong@FB 發表於 2023-12-10 23:39
你意思係帶返呢兩隻嘅4K碟去萬眾音響試吓？即係比佢哋萬眾音響嘅維修師傅佢哋檢查部機？ ...

是的