多謝大家支持 Post76 21周年的台慶版聚!!! (會後哂命帖)

SonSon

多謝啤酒大王供獻獎品


多謝小瑟大王抽中獎品

阿定

記得當年剛剛搬出來住，對音響認識不多，四圍上網搵資料，當時大部份討論區都係發燒音響為主，下下都十幾廿萬起跳，係得Post76的版友會接受平有平玩，貴有貴玩的精神，可以帶住我入門玩影音，之後再慢慢升級，隔幾年就升級換機，由5.1發展到5.1.2，再到宜家轉玩Atmos Soundbar，由以前的單方面比人幫，到宜家變成同唔同的師兄交流，遇到新手又幫下手解答較簡單的入門建議。

有時玩影音，真係要大家志同道合先得，無玩開的，唔會明一條線，一個拖板，點解咁重要，如果硬要迫人信你個套，自己辛苦，人地又辛苦，Post76算係好少有容得下唔同學說的交流地，呢幾年我都開始化，其實人地睇唔到有分別，聽唔到有唔同，可能先係最幸福，網上網下都好，無必要同人勞氣，如果有緣，參加一下Post76的試玩會，自己試一次感受下就最好，我都係自從參加過Post76的DAC試玩會，親身感受過盲眼A/B Test，先開始信USB線並唔係1010咁簡單，慢慢就學換電線，換HDMI線。

今次21周年版聚，第一次聽小瑟問搞唔搞好時，大家的意見都係搞啦，就算無人來參加又好，無贊助都好，大家出來食餐飯，開心下啦，大家咁耐無見，找個借口出來都好呀，就算得兩三圍都無問題，到最後直係無估到會開得到十圍咁厲害，宜家飲食業好早收工，價錢又唔平，好多時十點半就要開始清場，要價錢唔可以太貴，但又就腳，講真搵場地都唔係易事，真係辛苦晒Post76的Staffs先可以咁順利舉行。

當然亦要多謝咁多年來都支持Post76版聚的贊助商，參加了咁多次版聚，年年都中CD/黑膠等軟件的我，今年終於中硬件啦，真係可喜可賀，加上我地個台贏埋競飲大賽，雖然唔係自己親身落場比賽，但都真係好開心好high，可能抽獎的野，真係越無期待越易中。



最後，期待來年再見到大家，今年來唔到的朋友，我地可以下年見。

malikysl

上次版聚飯局係觀塘，原來係七年前，時光飛快，當日同版主小瑟傾兩句先知。

老婆陪同出席，佢抽到部R1 唱盤。
可惜屋企太多CD，佢一抽到就話唔好玩膠啦，
申請左幾日都唔比玩，現在唯有割愛。

chy

上個星期我哋嘅周年聚會真係搞得好成功！氣氛超好，玩得真係好開心！從來都冇諗過可以抽到咁豐富嘅獎品！
好多謝76全體工作人員以及義工們嘅悉心安排去搞呢個活動等我哋呢班志同道合嘅朋友可以聚一聚。更加要多謝贊助商們嘅慷慨贊助，真係抽獎都抽到手軟，希望你哋明年加把勁繼續努力😄！最後最要最要多謝嘅就係小瑟大王為76嘅付出，尤其去到節目尾聲大王嘅一番感言，真心感動！你係我哋嘅凝聚力，我哋一定會繼續支持你支持76 ！
祝76生日快樂！
業務繼續蒸蒸日上！

heerocolour

malikysl 發表於 2023-12-5 11:45
上次版聚飯局係觀塘，原來係七年前，時光飛快，當日同版主小瑟傾兩句先知。

老婆陪同出席，佢抽到部R1 唱 ...

有興趣呀我

小瑟

chy 發表於 2023-12-5 15:17
上個星期我哋嘅周年聚會真係搞得好成功！氣氛超好，玩得真係好開心！從來都冇諗過可以抽到咁豐富嘅獎品！
...

有大家既支持, 小瑟先行到今時今日, 你地先係我既凝聚力呀~

我成日都講, 其實我係代表大家的, 有大家係我背後支持住, 小瑟先行出去有人見到我地炸!!!

小瑟

再一次多謝大家幫我成就左呢次的回憶!!

malikysl

heerocolour 發表於 2023-12-5 18:12
有興趣呀我

Pls check PM

issachar

小瑟 發表於 2023-12-6 21:34
再一次多謝大家幫我成就左呢次的回憶!!

下年再攪過!

Einstein

孤身走我路 發表於 2023-12-2 14:34
多謝昨晚教我重新setup subwoofer幾位師兄，已經搞掂了!
好掂!!!!

多謝 POST76 團隊