本身對聽歌都有 d 要求, 不過又未去到好發燒級, 由於一直未遇到好想出手既 DAC/Amp, 幾年前買左隻國產 DACAmp 就一直用到而家. 揀國產 DACAmp 既原因當然係 CP 值高, 睇完 POST76 介紹 mini-i Pro 4 已經好有興趣, 因為用差不多既價錢升級而呢部機仔仲可以玩埋 streaming, MQA 解碼... 所以立即報名參加呢次返歸玩活動.
拎左部機返屋企已經忍唔住立即開盒, mini-i Pro 4 同我用緊隻 DACAmp 一拍埋已經先拔頭籌喺外貌上先得一分... 近年國產既 DACAmp 外貌真係靚同型仔左好多, 而且仲跟埋個靚仔 remote 添!
測試器材方面, 全部都係平民野, 我個人認為咁樣先試到器材本身既實力. Early Bird 既電源同埋 RCA 線, USB 線都係普通鍍銀單晶銅, 加埋唔駛三千銀. Source 係 HTPC 經 USB 駁去 mini-Pro 4, 然後再經 RCA 去 Denon 8500HA. 而喇叭係 Wharfedale EVO 4.4, 接駁線材係 nuforce sc700 兩對, 因為駁左 bi-amp.
呢次試玩主要都係聽返自己平時0係 HTPC 既 wave 同 flac… 一開機既時候, 音質係順耳舒暖, 聲音比較暖聲, 下潛力充足... 聽左大概一個鐘之後就換返原本隻 DAC 做個比較... 因為本身已經好熟悉, 所以聽左半個鐘左右再換返 mini-Pro 4, 跟住就聽左成晚了... 同我現有配置比較, mini-Pro 4 既聲音結象係比較集中, 所以我要將對 EVO 4.4 既 toe-in 角度 set 返開少少, 無論音場同結象都有即時改善.
而0係兩個星期既試玩, mini-Pro 4 令我最滿意既地方就係夠靜! 以六千零蚊既價錢黎講, 能夠做到令用家聽得咁舒服既寧靜感覺, 絕對係要拎出黎 highlight! 由其係我聽李克勤首飛花既時候, 無論係空間感, 音場結象等表現都令我十分有感. 之後再試 Eason 既陀飛輪, Eason 既喉底聲圓潤而雄厚, 絕對係超越想像既表現. 女聲我試左 Hana 既但願人長久, Hana 既甜美聲音可以話完美咁表現返出黎, 由其係女高音伸廷同埋整體出黎既音樂感都超越左 mini-Pro 4 定價既表現.
作為一名間中會聽下歌既 AV 友, 0係地方同金錢都有限既情況下, 如何去選購 2ch 產品有時真係十分費煞思量. 以 Matrix Audio mini-Pro 4 定價 $6880 黎講, 已經集 Steamer, 耳擴, USB / USB Storage 播放, 原生 DSD/MQA 播放, 仲有 Tidal, Spotify, Airplay 等功能, 而且表現甚至可以媲美萬元 Streamer, 絕對值得入門/升級既玩家去考慮選購.
|
[複製鏈接]
發表於 2024-1-4 09:47
發表於 2024-1-15 11:02
