大兵小將BLU-RAY，全新都係賣$99。

raymond430

讀書時期夜晚聽收音機,佢成日走上去陳海琪個節目度鬧啲西片靠特技,史泰龍同阿諾兩個冇料到,佢自己先係真材 ...
AV原人 發表於 2010-4-15 17:13

一朝得意,言行不一表露無遺.佢又真係好嘢,重理直氣壯........

faihim

一句講晒:滿口仁義道德既偽君子

bb1668

偽君子越睇越冇眼睇啫

AV原人

咁唔通批評成龍的人都係冰清玉潔,純情小伙子 ,正義,誠實的化身 ,自問冇資格批評 ...
成龍大哥 發表於 2010-4-15 00:41

舊年特首自稱代表大部份香港人發表六四謬論俾人插到開花,最後要道歉先平息事件
而成龍作為少數非政治人物而又有足夠份量代表香港嘅人,而佢本人亦經常以此自居,佢代表我(香港人)作出啲失禮嘅言行,我(香港人)批評佢又有咩問題??如果你話要我係"冰清玉潔,純情小伙子 ,正義,誠實的化身"先有資格批評,咁不如由我去代表香港啦,你估扮代表咁易咩?!

Ken704

每位演員都一定有人鐘意或討厭，依樣野無問題
大家都可以分享自己意見，但千奇唔好強迫人地要同
你一樣，以我自己爲例，我就唔會太因為演員既私生活
而影響我睇戲，如果係，我會錯過好多好電影，你可以話佢
人品有問題，形象差，佢又唔係我朋友，何需在意，
要明白電影能帶黎娛樂，何必要將佢選擇地label左呢？

入番正題，就我黎講，依套戲其實ok，有反戰意識，
只有投入套戲，我其實覺得幾有feel架

mrlittlejacky

講真唔鍾意成龍冇問題,加上佢拍左咁多部戲,真係睇厭都唔奇,不過話佢點唔著就冇需要啦,講真荷里活大把明星做 ...
成龍大哥 發表於 2010-4-14 23:52

牛華又係咁, 中基之前咪飛機單野咪仲勁, 但一樣可以番生,怪就怪80 後唔係睇佢d 戲大, 一睇就已經係小龍女事件,梗係玩死你啦,
當年討論區落藥真係種下左佢今日咁多人唔鐘意個理由!
但無可否認地佢d 言行又真係好過火,一次唔會死哂,係要加埋加埋好多次先"死實"!

成龍大哥

根本係大家睇厭左姐(加上成龍電影風格都差不多,),周潤發冇咩人憎佢啦,近年拍D戲有幾多套收得?又有幾多套好睇?

我唔憎成龍,佢私生活係點,或者公開言論係點,我完全唔介意,唔覺得係咩大件事,我純粹以戲論戲,近年佢D戲我亦唔多期望(都睇左咁多年,唔厭就假),戲的水準亦唔見得出色,但我對戲不對人!

rboys

我都O係對戲不對人!

tennishk

根本係大家睇厭左姐(加上成龍電影風格都差不多,),周潤發冇咩人憎佢啦,近年拍D戲有幾多套收得?又有幾多套好 ...
成龍大哥 發表於 2010-4-17 18:29

廿幾年前成龍真係拍過好多精彩既電影，雖然近年真係吸引唔到我入戲院睇，但我又唔覺真係咁爛！
成龍既私生活係點我興趣不大，佢既言論真係另人幾反感，
但係咪因為咁而將佢以前既成就抹殺晒呢！

我對周杰倫一向冇乜好感！佢既戲屎到唔屎，做既戲亦冇幾多套好睇，
但睇過佢套(不能說的秘密)，我覺得真係唔錯，之前都開個POST推薦叫人睇。

成龍大哥

其實部戲相當好睇,認真的,

賣咁平好值得一睇,認真的,