|
|
前言
2022 年, Denon 推出 AH-C630W 同 AH-C830NCW 兩款調音大師 HIFI 級 TWS... 喺 TWS 有如恆河沙數既年代, 未能突圍而出... 甚至可以話係完全被忽略.
同年, Masimo 收購 Sound United. 創辦人 Joe Kiani 話自己係 Sound United 旗下各大品牌既粉絲黎, 佢曾經提過 (以下節錄)
"... Masimo shares Sound United's commitment to providing innovative, best-in-class products and experiences, with a relentless focus on improving the consumer experience."
當時我相信大家都會覺得幾 R 頭的, 本身係做醫療既 Masimo, 收購 Sound United 後會為 Denon 等品牌帶黎乜野轉變呢?
一年多後, Denon 推出 PerL 以及 PerL Pro 兩款 TWS, 無論外觀, 功能, 以及售價 (哈哈哈) 都令大家有煥然一新既感覺!
感言
前言講完, 首先當然係要多謝 POST76 以及 Masimo 舉辦呢次活動! 即刻同大家分享下 PerL Pro 既兩星期用後感.
注目點
Specs 呢 d 背書野唔多講, 畢竟用家親身體驗比產品數據重要. 不過都要提下值得留意既地方, PerL Pro 最勁既 feature 當然係 Masimo Adaptive Acoustic Technology (AAT), 其次係未太普及既 aptX Lossless 同埋 aptX Adaptive. 而一般 TWS 既 ANC/Social Mode, Multipoint 呢 d 功能佢都係有既. 我自己最關心既就係佢可唔可以獨立左或者右邊使用呢? 我用過都係可以冇問題! 平時喺 office 唔想太揚比人見到戴住隻 TWS, 所以戴一邊就非常好. 而且當一隻聽到冇電既時候, 另一隻仲可以立即補上添! 續航力我自己試大概係 5 個小時多 D, 多數都係駁 laptop 播下 youtube 片, 聽下歌咁樣.
外觀
無可否認 PerL Pro 既外觀已經十分殺食, 圓形 Matt Black 耳機外殼上面簡單印左 DENON 品牌, 然後配上金屬外框, 沉實而且我覺得好 Hi-Fi feel...
叉電盒有一定重量, 拎上手感覺好實在, 開合時候冇鬆動既感覺, 不過耳機拎出黎既時候就有 d 困難, 如果個叉電盒做淺少少, 個蓋做返厚少少應該可以改善不少.
擺返耳機落去就十分利落, 因為有磁吸設計, 差不多啱位放落去就會吸實. 個叉電盒有用家表示比較大, 不過我既體驗就唔影響放褲袋, 因為我就係長期放褲袋既.
叉電盒前面有三粒 LED, 分別顯示左右耳機同埋個盒本身既電量, 我覺得真係要讚, 因為唔駛睇說明書已經知 d LED 係代表乜.
配件
PerL Pro 既跟機配件十分標準, 一條叉電線, 四對耳膠, 一對記憶耳綿, 兩對耳翼. 如果記憶耳綿都跟返三/四對就更加好喇, 始終係旗艦級 TWS 丫嘛.
設定
用得 PerL Pro 一定要用埋 Denon Headphones 個 App 先可以將佢發揮到最好, 所以試機前我已經 download 定個 app. 初次戴上同埋配對好 smartphone 之後, 個 app 就會提示做 ear tips fitting, 完成之後就可以整 AAT profile.
PerL Pro 支援最多三個唔同既 user profile, 而且所有 profile 都係儲存喺耳機, 即係就算對耳機 pair 左去第二部 smartphone 既時候, d profiles 都會即時見到而無需重新做過, 對於多過一部 smartphone 或者對耳機會多過一個人聆聽既用家黎講, 呢個都係非常貼心既設計.
而設定 AAT 既時候, 一定要搵一個聆靜既地方做, 如果唔係個 test 做出黎唔準你會聽到 d 聲好奇怪的! 我第一日諗住拎返公司試, 點知去到收工先得閒, 諗住嗱嗱聲 set 完走啦, 點知就瀨野喇... 最後我係等夜欄人靜先做設定既. 而設定完 AAT profile 之後, 個 app 會比你對比下喺預設同有 AAT 之後既分別. 我個 profile 顯示我兩隻耳仔都係對中頻冇咁敏感, 當設定左 AAT 之後, 真係完全唔同哂!
初步設定黎到呢度可以話已經完成, 我就已經急不及待即刻試聽. 當然仲有好多其他更加個人化既設定可以慢慢試既.
音色
PerL Pro 同好多近年出既 TWS 一樣, 色音取向屬於大路, 唔會特別覺得佢聽某種聲音/音樂係特別好或者差, 表現十分平頻, 我覺得呢一點好重要, 因為 TWS 好多時真係日常會長期戴住, 同時你可能做緊唔同既野, 如果佢聽某一範既聲冇咁好, 個使用體驗就會唔好喇. 而佢聲音既取向, 我唔敢話佢係天龍底, 因為我冇聽過之前對 TWS, 如果用 AV 聲底黎講一對 TWS 又好奇怪. 不過 PerL Pro 係偏向又真係暖聲低音向, 結實同埋量係足夠, 整體唔會有肥或者濛既感覺. 中高頻細節豐富, 唔會特別調到人聲好出或者好多空氣感, 總之係聽得好舒服. 如果唔鍾意低音向, 可以加埋 custom EQ 調返個人喜好出黎.
連線
我有時會行黎行去又唔想除低個耳機, 咁樣又正好試到對耳機既連線情況係點喇. 用左 PerL Pro 差不多兩星期, 斷線情況唔多, 或者斷左都會好快駁得返, 我覺得喺我既環境下, PerL Pro 既連線質素比一般藍芽耳機好.
結語
數一數手指近年我試過同擁有既 TWS 應該走唔甩十對以上, 而我現在常用既有 AirPods Pro 2 同埋 Soundcore VR P10, 當然唔少得某 d 旗艦 TWS (邊 D 就唔開名喇 :p)
PerL Pro 無論係外貌, 功能同音色都令我十分驚喜同滿意! 最後真係要再一讚 Masimo 同 Denon, Masimo 能夠將專業技術應用喺個人娛樂應用裝置上面, 再配上 Denon 對 Hi-Fi 音響既經驗, 合兩者大成而生既 PerL Pro, 引用返我前言提及 Joe Kiani 講既 "to providing innovative, best-in-class products and experiences, with a relentless focus on improving the consumer experience.", 我覺得 Masimo 同 Denon 真係做到, 而兩者係缺一不可. 事實上, 就算其他廠早有類似技術, 市場上暫時都冇另一對有 PerL Pro 呢個質素既 TWS.
PerL Pro 最令人卻步既當然係 $2780 呢個旗艦級價錢. 早幾年我已經講緊, 超過 $2000 既 TWS 基本上都係唔值個價錢, 我聽完先講既. 不過當個市場都係咁樣定價既時候, 我就會覺得 PerL Pro 既定價唔過份, 聽完覺得啱聽係絕對值得入手.
聆聽設備
iPhone 12 Pro Max
iPhone 15 Pro Max
Samsung S22 Ultra
Samsung Book 3 Pro
Cayin N8
|
評分
-
| 參與人數 1 | 威望 +500 |
金錢 +500 |
收起
理由
|
 小瑟
| + 500 |
+ 500 |
師兄報告詳盡,真正用家心得。 |
查看全部評分
|
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2023-11-7 03:21
, 被廠方選為最有心思分享嘅版友 , 會獲得一隻Denon PerL Pro 真無線藍牙耳機 (價值 HK$2,780) 作為鼓勵 ! 
發表於 2023-11-15 17:40
