有咩方法可以對付成日"遲到"或"請假"的人???

阿定 · 發表於 2023-10-11 12:50

去到尾，都係 "遲到"或"請假" 的嚴重性有幾強

1. 真有Job的日子都係咁，定係其實返唔返都係自己做自己野唔影響到人，如果唔影響實際工作，可以用扣大假型式解決，例如遲到就當請一個鐘或半日假，請假的話，就睇係射波定預先申請，預先申請就無咩大問題，射波的，應該可以按比例扣糧，不過我都見唔少後生一輩情願扣糧都射波就是了，歐聯決賽第二日，新Game發售第二日，區區個一千幾百邊係錢來，你扣就扣吧。

2. 遲到早退有無影響到整個辦工室風氣或氣氛，如果有，就無辦法唔大力點去處理，因為要做比其他同事睇，咁就要下定決心，狠狠地鬧一次了，始終成個氣氛失去了就好難返轉頭。

3. 如果單純遲到的，本身又五天工作的，可以協商改為五天半工作，閒日返遲半個鐘，星期六返 0930-1200，補番時數，咁的話，任何人都可以申請改五天半工作，公平公正公開，問題係電費又要比多少少了。