兩聲道睇嚟真係好貴好難玩… 😅

wahjaja · 發表於 2023-8-20 15:23

話說小弟玩開耳筒同桌面Active，喺疫情之下買咗套5.1.2玩，都幾Enjoy，多咗時間喺廳，又身痕試下用嚟聽歌啦，兩隻前置係平嘢Mission LX-1 MK II，得4”都預唔會太好聽，點知係… 勁難聽。點都好，都想試下有無方法整得好入耳少少，後尾試插阿仔房隻FIIO K7 DAC落去部X3700H度用Pure Mode/ Stereo Mode聽下(iPhone + Apple Music Only)，用最平方法去睇下未來應該點攪/值唔值得投資。哈~ 原來加部咁平嘅DAC用Pure Mode都會好聽好多㗎喎~~ 不過低音就… 聽OST大音量會好DD，聽歌就薄過紙 😭，不過個音場起碼正常返唔少，離箱同有深度聽得到嘅，唔係Stereo Mode咁炒埋一碟。

由於我套嘢係貼左邊牆擺，右邊無嘢，所以聽多幾晚之後，就發現成日人聲會偏埋左邊，咁我又較大聲D右邊啦，但係一時得轉下碟又唔得，更甚係同一隻歌今日得聽日又唔得… 後尾請教完做Mixing 嘅朋友就卒之明，原來就當同一隻歌/同一個音調，喺唔同音壓之下喺右牆反射嘅速度同力量都唔一樣，更何況個個人嘅人聲都唔同，反射出嚟都一定完全唔同，所以環境唔係平衝，就由得佢啦… 🤣🤣🤣

所以個結論係，喺呢個環境之下係唔需要太大投資，可能換隻大少少單元嘅前置喇叭，等D聲厚返少少，甚或加埋部2Ch Amp已經可以收工 😝，原來環境真係最大同最重要嘅投資…

just_for_uhk · 發表於 2023-8-20 15:27

亦有好多人做環境鬥士

我就係其中一個

wahjaja · 發表於 2023-8-20 15:36

just_for_uhk 發表於 2023-8-20 15:27
亦有好多人做環境鬥士我就係其中一個

我起碼房有Active，環境擺位比廳都四正，因為放得近，所以個音場係比例細D，但係好多嘢嘅擺位都好”精緻”咁聽到出嚟㗎，所以完全無預過喺廳聽音樂會出現人聲走埋一邊個情況。夜嘅又有耳筒~ 😝😝😝

路西華 · 發表於 2023-8-22 23:25

師兄你好！既然你可以分別出各種聲音，證明你「天生HI-FI 命」。莫說家居環境唔好，就算家境唔好，都唔會阻到「天選之人」。接受你嘅命運，燒下去吧！大家一起努力吧！😈😂🤭

路西華 · 發表於 2023-8-22 23:41

本帖最後由路西華於 2023-8-22 23:46 編輯

你可以先把右邊喇叭向前(向聆聽位置)擺出多少少試試，或向內Toe IN 多少少試試。慢慢嘗試揾出最好位置。效果會比用balance制更好，當然仍然唔會完美。如果左邊幅牆加DIY吸音物，減少左喇叭反射聲，都有幫助。

JarJarBink · 發表於 2023-8-24 08:24

本帖最後由 JarJarBink 於 2023-8-24 08:26 編輯

wahjaja 發表於 2023-8-20 15:36
我起碼房有Active，環境擺位比廳都四正，因為放得近，所以個音場係比例細D，但係好多嘢嘅擺位都好”精緻 ...

我同你情形差唔多，因為知道鑽石廳太難攪，聽歌不嬲喺房用耳機，teac505加鐘配hdplayer, mac mini, denon d9200，自問啲聲已攪得好好，但最近執好個廳，唔再用三座位梳化拍牆，用幾張單人椅，啲位可以移到事正好多；用5.1睇戲已好咗好多，但聽歌覺得啲聲好唔掂，但係真係冇用耳機聽咁焗束，空間感、立體感同力量都唔係耳機可以比，想攪好啲聲佢，但發現要換喇叭換amp先攪得掂；宜家都研究緊點攪。
有興趣可以睇下我另一個post