懶人調校 Atmos 反射喇叭

ctn2

因應每家呎吋距離及樓底高度不同，見好多師兄有不同設定，有些在 AV Amp 自動調校後分別加減距離呎吋、或加大tone幾db。各種方法試過都有一定效果，但我覺得反射角度影響會大些，不過在呎吋量度及角度調校方面較為麻煩。

最近翻找工具箱發覺幾年前百多元人仔淘了一個手提鐳射測距儀，用來量度呎吋好過拉尺。於是拿出來放在前置 Atmos 反射喇叭斜面射上天花，但要估個反射角度落在那裡，那天太座在家，於是叫她拿一塊通常在女人手袋都有的小鏡子放在天花鐳射點所照之處，將該點反射在聆聽位前面，發覺之前距離原來幾遠。我之前係自動調校完之後加大3db，感覺到直升機聲接近頭頭就算收貨。

今次有人幫手，於是便將 Atmos 反射喇叭後面升高，使鐳射點移前多一半距離。同我聆聽位3-4呎左右（每家不同），後置 Atmos 反射喇叭因近後牆，所以係要升高前面，使鐳射點在我後面1呎左右。

較好 Atmos 反射喇叭後，就重新開 AV Amp 做自動調校，校完開機試聲，卒之發覺個喇叭發揮出其原有功效，架直升機真係圍繞在頭頂盤旋，行雷同落雨聲包住個人。我無其它專業技術再深入調校，所以就此收貨。

深水埗都有同類或同牌子鐳射儀賣，不過價錢會貴一倍，或者可用有些人掛在鎖鑰扣上的小型鐳射器。但就沒有尺寸提供，要再拉尺度，不過可省回購買。另外今次測試我計喇叭之距離係斜面指向天花，並不是喇叭90度指向天花。

以上純個人實際測試，完全沒有任何科學理論或學術支持，不喜勿插。

rockyw

想問一下執鏡係擺係邊 可以睇到反射返落嚟 邊個位？
擺天花？

se人

ching用邊款atmos反射喇叭同用咩amp.

ctn2

rockyw 發表於 2023-8-5 11:42
想問一下執鏡係擺係邊 可以睇到反射返落嚟 邊個位？
擺天花？

用張椅企高將鏡放在鐳射紅點便可看見反射點，如果樓底高可能要用梯。我坐之sofa前面有張茶几，個紅點反射在几上。

ctn2

se人 發表於 2023-8-5 11:50
ching用邊款atmos反射喇叭同用咩amp.

淘下來約千元人仔之貨色，Amp則用馬蘭士

rockyw

ctn2 發表於 2023-8-5 11:57
淘下來約千元人仔之貨色，Amp則用馬蘭士

千幾咁抵？求PM thx

ctn2

rockyw 發表於 2023-8-5 19:01
千幾咁抵？求PM thx

已 PM 你

MikeChu@FB

ctn2 發表於 2023-8-5 11:57
淘下來約千元人仔之貨色，Amp則用馬蘭士

同路 我都淘過對 幾舊水 天空聲道 你用邊隻牌子 ？

rockyw

ctn2 發表於 2023-8-6 00:29
已 PM 你

謝謝 THX

AskaLung@FB

師兄嗰隻淘x反射喇叭應該都係我之前買嗰款,不過我之前真係唔識得整,整極都係覺得上面有浸聲,但係就唔係喺天花落嚟,最後逼到我轉窿上天花喇叭😭