比人出信話我養狗仔....好擔心.....

kalok6

你根本無回應「閣下難度不想你居住的樓宇有盡忠職守的管理人士」，只係轉移眼線，然後話人家甚麼甚麼對你 ...
moliu 發表於 2010-4-11 01:32

我自私?點自私?
盡忠職守的管理人士 <-----哈!!!!我見佢朝朝同人打牙較就有.....
仲有.....我昨天行左幾層樓....最少都有3家人養狗.......
如果真係要趕我果隻走.....都有人陪.........盡忠職守......HAHAHAHA

lkljason

呢d野不嬲無入投訴就相安無事，一有人投訴就煩勒，建議都係將隻狗仔寄養住o係 d朋友度先，過一排風聲無咁緊至裸翻返黎，有d公屋早前登記左就可以繼續養，不過應該就唔會再接受新既登記勒，我外母養兩隻都裸正牌既！

skenstudio

你個屋苑比養狗? 你就好啦
公契話明乜都唔比養.......根本就唔係好合理......
我又無影響到人... ...
kalok6 發表於 2010-4-10 21:33

即係你一早知個屋苑唔比養 ?
咁你又點可以話人 [根本就唔係好合理]

劉一舟

睇下住嗰度養狗的人多唔多，多你就唔駛理佢，少就勢孤力弱啲；我個屋苑公契都唔俾養狗 (其實可能啲管業處長久以嚟都係copy同一份合約範本)，但養狗的住戶都唔少，但大家都好自律，一到夜晚大家才放狗順便交談下心得，係有一排試過收信話唔可以養狗，但因我地叠馬，成棚人寫番信俾區議員和物業處等商議，當然係有偈傾嗰隻，最後管業處都係隻眼開隻眼閉，仲特登整幾個狗廁所俾住戶，抵讚！！

lyfedpmp

Kalok 兄, 在下也曾是養狗之人 (雖然佢已經仙游), 好明白你既感受, 你可以試下呢個方法睇下行唔行得通? 係真人真事俾人投訴完既應付方法
係你地出街既時候開著收音機, 將聲浪較高但唔好高到變成燥音 (團購既音壓計可能有用), 等你既小狗以為有人係屋企就唔會咁容易吠, 如有需要, 可將佢及收音機放入廚房或房間直至你地返屋企!
其實就算係小狗係你地唔係屋企時再吠, 人地都可能淨係聽到收音機聲啦!

kalok6

其實我真係唔想影響到人.......
希望收音機呢個方法會行得通啦