觀望成年最後入手左ProAc T10 簽名版 + Caryaudio AIOS 合併機

NGAIChanne@G

研究左成年在好友介紹下終於買左 雖然係二手但係都非常新 可以當全新用
感受分享：
caryaudio 部機非常多功能 一般搭配roon 播歌 和 手機airplay apple music 整體都算滿意  音質可以接受 比之前用的Anker sound bar 效果好 ， 看電視或電影就接光纖直接出聲 ，但ProAc 喇叭用了一段時間感覺優點是音質非常高清 分析力強 但缺點很明顯受體積影響 低音不太足夠 聽張敬軒 酷愛這類型的歌曲低音甚至沒有 某些藍芽喇叭好feel ，未來可能會考慮換其他接近體積的喇叭再試試 例如 ProAc 1sc 。
最後 如果各位師兄有什麼建議或者推薦可以幫助小弟提升低音或者音質不妨留言分享研究下 。

路西華

「國仁兄」有條片介紹過Aios，夾T10係ok嘅。如果低音效果唔好，問題可能，1:喇叭擺位唔好，尤其無用腳架放在櫃面。2:樓主用乜野喇叭線，尤其重要喇叭接柱有無換走金屬條，改做Jumper線。3:用乜音樂來源，由於我只用CD，串流方面希望有其他師兄幫到你。4:聆聽環境，如果超過100呎以上好多，套組合能力上好難有好低音。

NGAIChanne@G

路西華 發表於 2023-7-16 01:14
「國仁兄」有條片介紹過Aios，夾T10係ok嘅。如果低音效果唔好，問題可能，1:喇叭擺位唔好，尤其無用腳架放 ...

喇叭線是朋友送的不太認識是什麼牌子 ， 擺位方面真係冇得選擇 已經頂到盡頭 ，我想在淘寶訂製一個小腳架升高少少個喇叭到耳朵位置左右 唔知有冇用 ， 喇叭後面的鐵片仔冇換 師兄有咩推介 淘寶好似一條都要200幾 ， 電源線都是普通原裝黑色線。

sam2004

首先，恭喜恭喜，終於入坑啦！
T10個低音絕對唔差，只不過你個擺位有問題讓佢發揮唔到，
投資喺啲線嗰度都係浪，不如花啲時間搞好個擺位仲實際⋯⋯

粉果人

擺位太受限制有幾大問題...離背牆唔夠，側牆太近，沒有腳架，玩好音響先決條件要有良好空間環境，環境佔50%器材佔50%可見良好擺位環境重要性不低於器材

NGAIChanne@G

粉果人 發表於 2023-7-16 16:37
擺位太受限制有幾大問題...離背牆唔夠，側牆太近，沒有腳架，玩好音響先決條件要有良好空間環境，環境佔50% ...

如果加翻個桌面腳架升高少少 再喇叭背牆貼一塊吸音棉 會不會有幫助

NGAIChanne@G

sam2004 發表於 2023-7-16 10:36
首先，恭喜恭喜，終於入坑啦！
T10個低音絕對唔差，只不過你個擺位有問題讓佢發揮唔到，
投資喺啲線嗰度都 ...

有D困難

NGAIChanne@G

路西華 發表於 2023-7-16 01:14
「國仁兄」有條片介紹過Aios，夾T10係ok嘅。如果低音效果唔好，問題可能，1:喇叭擺位唔好，尤其無用腳架放 ...

沙發距離喇叭大概2米 ， 我想訂製一對腳架試下有冇分別 是不是高度最好是高音單元同人耳差不多高

粉果人

NGAIChanne@G 發表於 2023-7-16 18:33
如果加翻個桌面腳架升高少少 再喇叭背牆貼一塊吸音棉 會不會有幫助

如果可以用腳架就最好，因為目前你這個擺位聲音都會焗促在電視櫃個凹位，擴散不出來

路西華

NGAIChanne@G 發表於 2023-7-16 18:35
沙發距離喇叭大概2米 ， 我想訂製一對腳架試下有冇分別 是不是高度最好是高音單元同人耳差不多高 ...

喺地櫃面放對短腳架，升高喇叭至人耳水平有幫助但唔多，淘宝如果唔貴可試試。但最好喺地櫃喇叭位置前放對長腳架，採取「走鬼政策」，長時間聽歌就擺出泥放喇叭，聽完就「收檔」，Tiger見唔係長時間阻地方，易D會批准。喇叭擺位係所有要解決的問題嘅首位，解決唔到，換喇叭線、電源線之類都無乜幫助。