請教師兄有冇推薦HIfi 試聽店鋪

NGAIChanne@G

想問下師兄香港有冇咩Hifi舖頭可以推薦去試聽 最好有各種品牌的入門到中端設備可以試 ， 去過xx地庫有一間野係用好高級的器材去試入門的喇叭 到最後買返去效果肯定差好遠  所以想找一些平民一點的店鋪  深水埗同旺角聽講有不少店舖 但係唔知在哪 求推薦

20120820

深水埗 > 聯興電業

旺角 > 添置商業大厦9/f,16/f

旺角 > 友誠商業中心7/f,8/f,11/f,13/f,16/f

以上個人和毒友們都去過

路西華

其實用好高級的器材去試入門的喇叭，並唔係壞事。入門喇叭的能力值假設係100，由門當户對的器材改由「好高級」的器材去推，能力值增加唔會好多，約少於5%。反而，買返去如果效果差好遠，可以推斷應該係家中器材夾唔啱對喇叭，或器材未夠推盡對喇叭。

路西華

不過，如果改由好高級喇叭去試入門器材(尤其Amp)，就係壞事。入門器材搞唔掂高級喇叭，衰聲好合理。好容易因為咁，試唔真入門器材能力，錯過左部啱心水、口味的器材。

casshan

我早前升級前後級,去過唔少地方試聽,友誠o既經歷係最差,想試的又無現貨試,問多2句就覺得你煩就打發你走...
所以師兄想試目標音響,最好自己做定功課,去目標品牌代理預約試聽,最好唔好walk-in問
P.S.如果你目標品牌係聲之島代理,絕對係福音,因為島主對靚聲有深刻認識,又唔會over sell,只會針對你有興趣o既設備提供意見

sam2004

人哋好心將一般嘅低價喇叭用最好嘅機讓你體驗吓，如果發揮到極端係可以去到幾好！

等你有升級嘅心理準備，真係好貼心為你着想㗎。

LOENDFANS

路西華 發表於 2023-7-10 01:26
其實用好高級的器材去試入門的喇叭，並唔係壞事。入門喇叭的能力值假設係100，由門當户對的器材改由「好高 ...

小弟就是這情況，年頭去試evo4.2當時店員用Soulnote a1試機感覺非常好，但當買回家後就發覺自己部amp唔多夠力水低頻控制力不足及中高唔夠開揚雖然每邊輸出跟a1只相差5W。煲了一段日子及在擺位下點功夫已有改善但始終部amp力水差些少宜家頭痛緊換乜amp還是加後級（budget有限因老虎詐型.......）。

dplqb

sam2004 發表於 2023-7-10 10:47
人哋好心將一般嘅低價喇叭用最好嘅機讓你體驗吓，如果發揮到極端係可以去到幾好！

等你有升級嘅 ...

Sam兄講得啱，呢sales比最好聲你聽，唔係你點會買，不論amp線電都和你家不一樣，一定有出入的，如果好運的話可能會夾返你啲機，有時老手都會中招。

dplqb

好似昨天思家提問，有咩香港娛樂埸作少了，音響店呀。

sam2004

dplqb 發表於 2023-7-10 14:11
Sam兄講得啱，呢sales比最好聲你聽，唔係你點會買，不論amp線電都和你家不一樣，一定有出入的，如果好運 ...

本來就係咁㗎啦，好似選美咁幾核突嘅無線都會搵陳文輝同阿化個靚裝先會出鏡。
hi-Fi老sales亦都一樣，一定會將嗰件貨最好嘅一面展示喺客人面前，
除非有一啲別有用心嘅人想Sell你第二樣貨，就會將你心目中嘅目標配搭不好嘅amp令你開始懷疑，再sell你佢想賣嘅嘢⋯⋯