第一套Apple開左熄唔到機既電影《俄羅斯方塊：版權之戰》

小瑟

尋日係 Apple TV+ 上搵左套戲睇, 《俄羅斯方塊：版權之戰》，真心覺得這部電影非常好睇, 本來諗住開來睇一陣就訓, 點知一睇熄唔到機。

這個故事主要講述當年「俄羅斯方塊」的遊戲在1980年代末期問世的故事, 原來因為當時的「俄羅斯方塊」開發者其實係還未解體的蘇聯莫斯科的一位PROGRAMMER, 咁大家都知道共產黨之下所有野都係阿公架啦, 咁基本上當時既蘇聯其實又未知道原來呢個「俄羅斯方塊」遊戲係世界其他地方其實都好受歡迎, 咁就是但賣左比一個專門去蘇聯搵 GAME的代理仔, 點知呢個GAME原來勁HIT, 而主角《亨克·羅渣斯》(泰朗·伊加頓 - 即係《皇家特工：間諜密令》和《皇家特工：金圈子》既主角呢。)就用哂成副身家想去買個版權返來做勒.

事情當然唔係咁簡單啦, 而且套戲最好睇既反而係佢要說服任天堂, 而且必須親自前往當時還未解體的蘇聯莫斯科，簽署版權協議呢PART。當中涉及好多當時蘇聯人的生活究竟係點? 80年代鐵幕下的蘇聯原來好多野都係唔可以做的, 例如同外國人傾計又唔得, 冇受邀請自己行入政府大廈都係犯法等等, 都係另呢套戲KEEP住停唔到既原因之一. 而究竟呢個影響左全世界既一代名GAME最終點樣可以推出比大家玩, 各個不同的遊戲機又點樣爭奪呢個GAME呢?? 我就好希望大家可以自己去睇下勒~

如果大家家中有APPLE TV, 又或者手機係IPHONE的話, 我絕對推薦大家比一個月月費, 就係因為睇呢套《俄羅斯方塊：版權之戰》都係非常值得的!! 反正你第一次加入APPLE TV+, 佢可以有免費體驗 Apple TV+ 7 天, 咁你睇完先再考慮比唔比錢都可以架麻~





https://tv.apple.com/tw/movie/%E ... am356pzgxs2l7a18d7b

阿定

老任當年靠呢個版權將世嘉打落谷底，做好晒，印好晒，入晒盒準備賣的世嘉版Tetris都要全數消滅！

小瑟

阿定 發表於 2023-4-6 19:06
老任當年靠呢個版權將世嘉打落谷底，做好晒，印好晒，入晒盒準備賣的世嘉版Tetris都要全數消滅！ ...

下，真係咁架，不過老任都唔係坐係度，佢地都真係出盡9牛2虎同冒好大嘅風險先可以囉到手。但另外一邊廂，雖然覺得和蘇聯人傾合約都非常狡猾。但係日本人同美國人一啲都唔弱。而令我不其然想像，如果呢件事發生喺中國人想攞版權嘅情況下，又會變成咩一回事呢？

阿定

小瑟 發表於 2023-4-6 19:17
下，真係咁架，不過老任都唔係坐係度，佢地都真係出盡9牛2虎同冒好大嘅風險先可以囉到手。但另外一邊廂， ...

被禁售的世嘉版實物

阿定

另外，提提有PS5的朋友，用PS5登入AppleTV+ 送6個月試用。

haha161

多謝大王推介,明天睇

littlefat69

有冇機會喺其他途徑睇到呢？？？

tinlunlau

littlefat69 發表於 2023-4-8 19:09
有冇機會喺其他途徑睇到呢？？？

呢度唔多方便講喎

littlefat69

tinlunlau 發表於 2023-4-9 06:16
呢度唔多方便講喎

師兄咁你覺得Appletv + 值得值得join呀？

tinlunlau

littlefat69 發表於 2023-4-9 11:27
師兄咁你覺得Appletv + 值得值得join呀？

唔係話唔值得，但我部samsung手機睇唔到。唯有用其它渠道睇