電視Sony77寸 A80J or 75寸X90K

lulled

我而家用緊 OLED , 畫質真係一流 , 俾我揀我就揀 Sony A80J , 因為我都係用緊 Sony A90J , 冇得挑剔 , 其實A80J 同 A90J都係差唔多 , 分別唔係好大 , 但價錢平一大截 , 燒唔燒印有陣時要睇你係點樣用 , 77 吋睇電影一流 , 夠晒大  

prebblem

收到，我都想試下OLED，其實有咩要注意或保養燒印問題，基本上每晚都睇戲，睇吓電視，間中打機，其實老婆，小朋友在家都長期開住個電視😅 所以我先了解下OLED長期用係咪真係咁快打柴，係我要考慮既一點，我先會諗吓LCD咋。😅😅 我爬下文，睇到，如果要就住用，玩三幾年年又燒印，所以想了解燒印壞既問題， 希望大家明白。🙏🙏

lulled

prebblem 發表於 2023-4-1 22:46
收到，我都想試下OLED，其實有咩要注意或保養燒印問題，基本上每晚都睇戲，睇吓電視，間中打機，其實老婆， ...

你想要襟用就要自己調校 , 唔好跟佢原廠設定 , 原廠設定一定會調到最光 , 長期用最光嘅光度睇電視 , 對眼睛又唔好 , 部電視又會好快衰老 , OLED 唔同 LED , OLED 衰老速度係會比LED快 , 盡量唔好喺同一個畫面停留得太耐 , 如果唔係會容燒印  

如果家裏有老婆同小朋友就麻煩啲 , 因為好多時小朋友會開咗電視 , 但係又唔睇去搞其他嘢 , 每日開機嘅時間會變咗好長 , 我都有個小朋友 , 佢都係咁做 , 所以我買多咗部 LED 比佢哋粗用 , 小朋友睇電視唔需要大 , 32到50吋就夠

prebblem

lulled 發表於 2023-4-1 23:19
你想要襟用就要自己調校 , 唔好跟佢原廠設定 , 原廠設定一定會調到最光 , 長期用最光嘅光度睇電視 , 對着 ...

就係考慮衣個問題了，佢地想有聲，長開電視，唔出街開十幾個鐘，中間可能有幾個鐘會熄，甘樣長開住係咪要揀LCD，如果唔係就兩三年燒印？

gamma

prebblem 發表於 2023-4-2 01:51
就係考慮衣個問題了，佢地想有聲，長開電視，唔出街開十幾個鐘，中間可能有幾個鐘會熄，甘樣長開住係咪要 ...

新一代用LG Woled panel tv, 除非你長開新聞財經台，基本上燒印嘅機會係好細，科技進步, 用得上四五年, 基本上都可能係時候換

lulled

prebblem 發表於 2023-4-2 01:51
就係考慮衣個問題了，佢地想有聲，長開電視，唔出街開十幾個鐘，中間可能有幾個鐘會熄，甘樣長開住係咪要 ...

師兄 , 你想要最高享受就 OLED , 唔使諗其他 , 如果一日開10幾個鐘 , 部電視會衰老得快 , 老婆、小朋友要長期開着部電視 , 就買部 32 吋 LED 比佢哋粗用 , 平平哋可以買新或者買二手 , 女人同小朋友要求唔係咁高 , 都冇乜所謂 , 最緊要有電視睇 , 我覺得呢個係最折衷嘅辦法  

LeoChin@FB

香港冇 75"、85" 嘅 X95K，其實係一個好嘅選擇

sinyick

我用Panasonic Plasma 12年未壞，再轉贈老人院舍。上年頭換A80J，平均一日六小時，因家人要煲劇，用到而家好正常

小瑟

冇比較下都會睇得出的，尤其睇對比勁的東西！

AEinstein@G

Oled 和 led 各有所長。
黑位和對比度就oled完勝。
看電影的爆炸火光場面，就led完勝。